Այսօր՝ հունիսի 12-ին, ոստիկանները Տերյան 11 հասցեում գտնվող Աֆրիկյանների ակումբի շենքի տարածքից բերման էին ենթարկել քաղաքացիական ակտիվիստ Վիլեն Գաբրիելյանին՝ «Նավակ ճոճողին»:
Նա Aravot.am-ի հետ զրույցում նշեց, որ ցանկանում էր Աֆրիկյանների ակումբի շենքի մետաղյա թիթեղի վրա գրառում կատարել, բայց լսում է, թե ինչպե՞ս երկու տղամարդ գոռում են՝ «ապե՛ր, ապե՛ր». «Չէի կարող պատկերացնել, որ ոստիկաններ են, որովհետեւ ըստ իս, ոստիկանները քաղաքացիներին պետք է հատուկ ձեւով դիմեն՝ հարգանքով: Այդ պահին, որ ուզում էի գրառում կատարել, ճիշտն ասած, գրեթե ոչ մի բան չեմ հասցրել գրել. Եկել են ձեռքերս բռնել են, մոտ 5 րոպե բանավիճել ենք իրար հետ այն հարցի շուրջ թե ինչպե՞ս է պետք քաղաքացու հետ ոստիկանը փոխհարաբերություններ ունենա»:
Նրա խոսքերով պետք է ապրանքագիտական փորձաքննություն անցկացվի, ըստ որի կորոշվի ուրիշի գույքին վնաս պատճառելու չափը: Ակտիվիստը նշեց, որ ոստիկանության բաժանմունքում իր խոսքերով՝ «չաղ-չաղ, միշտ Օսիպյանի կողքին գտնվող ոստիկանը» (նկատի ունի ՊՊԾ պետի ծառայության գծով տեղակալ Վարդան Գեւորգյանին Ա.Չ.) իր միջոցով փոխանցել է բոլոր ակտիվիստներին՝ «ինչքան իրենք կպնելու են ուրիշի գույքին, այնքան էլ պատժվելու են՝ ըստ օրենքի»:
Մանրամասները՝ տեսանյութում:
Կարդացեք նաև
Ամի ՉԻՉԱԿՅԱՆ
Անի ջան Ձեր հոդվածների համար այլ հերոսներ փնտրեք, իսկ շարքային խուլիգաններով ոստիկանները կզբաղվեն: