Քիչ առաջ «Գոլդեն փելես» հյուրանոցում մեկնարկեց «ՄԱԿ-ի սկզբունքների եւ ստանդարտների հիման վրա ազգային եւ տարածաշրջանային խաղաղարարական ներուժերի ինտեգրումը խաղաղ օպերացիաների համընդհանուր համակարգում» թեմայով միջազգային ռազմավարական քաղաքական ֆորումը, որը կազմակերպել են ՀՀ ՊՆ ազգային ռազմավարական հետազոտությունների ինստիտուտը, ՀԱՊԿ քարտուղարությունը, ՀԱՊԿ միացյալ շտաբը, ՀԱՊԿ գիտափորձական խորհուրդը, ՌԴ ԱԳՆ միջազգային հարաբերությունների Մոսկվայի ինստիտուտի կազմում գործող եվրաատլանտյան անվտանգության կենտրոնը, քաղաքական գիտությունների հայաստանյան եւ ռուսաստանյան ասոցիացիաները:
Մասնակիցները ինչպես Հայաստանից եւ ՀԱՊԿ-ից են, այնպես էլ ՄԱԿ-ի, ԵԱՀԿ-ի, ԵՄ-ի, Շանհայի համագործակցության կազմակերպության, եւ այլ միջազգային կազմակերպությունների ներկայացուցիչներ:
Իր խոսքում ՀՀ պաշտպանության նախարար Սեյրան Օհանյանն անդրադարձավ Հայաստանի մասնակցությանը միջազգային խաղաղապահ գործողություններին, ինչպես նաեւ ՀԱՊԿ-ին անդամակցությանը: «ՀԱՊԿ անդամ երկրների մեջ թերեւս ամենափորձառուն լինելով՝ խաղաղապահ գործողությունների առումով, Հայաստանը բազմակողմանիորեն նպաստում է ՀԱՊԿ շրջանակներում խաղաղապահ ուժերի կայացմանը: Խաղաղապահության հարցում մեր փորձը շարունակվում է ամեն օր կուտակվել 800 կմ երկարությամբ սահմանի պաշտպանության ընթացքում, որտեղ ՀՀ զինված ուժերը պահպանում են խաղաղությունը եւ թույլ չեն տալիս ռազմական գործողությունների վերսկսումը, ինչը շատ կարեւոր է տարածաշրջանի համար»,- ասաց նախարարը:
Ֆորումն ընթանում է ռուսերենով:
Կարդացեք նաև
Մանրամասները՝ շուտով:
Մելանյա ԲԱՐՍԵՂՅԱՆ
