Վերջերս Ազգային ժողովի ՀՀԿ-ական նախագահ Գալուստ Սահակյանը հանդես է եկել խորհրդարանում լրագրողների հավատարմագրման կարգը խստացնելու նախաձեռնությամբ։ Ըստ այդմ, ի թիվս այլ սահմանափակումների, ԱԺ նախագահը ցանկանում է, որ խորհրդարանի աշխատանքները լուսաբանեն առնվազն 5 տարվա աշխատանքային փորձ ունեցող լրագրողները։
Aravot.am-ը ԱԺ պետաիրավական հարցերի հանձնաժողովի ՀՀԿ-ական նախագահ Հովհաննես Սահակյանից մեկնաբանություն խնդրեց մասնավորապես 5 տարվա «նորմի» պարտադիր լինելու վերաբերյալ, որը բնավ լրագրողական պրոֆեսիոնալիզմի հետ կապ չունի:
Պարոն Սահակյանը հարցի պատասխանը հետաձգեց պատճառաբանելով իր՝ Հայաստանից բացակայելով ու խոստացավ Երեւանում լինելուն պես համապատասխան մեկնաբանություն անել:
ԱԺ ՀՀԿ խմբակցության քարտուղար Գագիկ Մելիքյանը (լուսանկարում) եւս խուսափողական դիրք բռնեց՝ դարձյալ պատճառաբանելով իր՝ Հայաստանում չլինելը: Նա հարցրեց, թե ինչո՞ւ հենց ինքը պետք է պատասխանի այդ հարցին: «Ով էդ որոշումը կայացրել է, իրեն հարցրեք»,-ասաց նա: Երբ նշեցինք, որ ինքն էլ է նույն խմբակցությունը ներկայացնում, ինչ ԱԺ նախագահը, նա հայտարարեց. «Եթե ԱԺ նախագահությունը գտել է այդպես ճիշտ է , ուրեմն ճիշտ է»:
Կարդացեք նաև
Գոհար ՀԱԿՈԲՅԱՆ