Երեկ Գյումրու «Շիրակ» հյուրանոցի հետնամասում տեղակայված տնակներից մեկում սպանել են 1988թ. ծնված Արտյոմ Ավետիքի Ադամալյանին: Վերջինս չի աշխատում, նախկինում մի քանի անգամ դատված է եղել՝ խուլիգանություն կատարելու մեղադրանքով: Նրան սպանել են ծակող գործիքով, խփել են սրտին: Դեռեւս հայտնի չէ՝ դանա՞կ է, թե ծակող այլ գործիք: Դատաբժիշկը դեռ եզրակացություն չի տվել:
Այս պահին կան մի քանի կասկածյալներ: Սպանությունը տեղի է ունեցել հենց այս տղայի տնակում, որտեղ իր ընկերների հետ կերուխում է արել: Սպանությունից հետո, ժամը 22.30-ի սահմաններում շտապօգնություն են կանչել:
Ինչպես Aravot.am-ի հետ զրույցում տեղեկացրեց Գյումրու շտապօգնության տնօրեն Ռոբերտ Թորոսյանը, տղայի ընկերը առանց որեւէ պատճառաբանության հարձակվել է բուժքրոջ ու շտապօգնության վարորդի վրա, վնասել է շտապօգնության թանկարժեք մեքենայի դուռը:
Ըստ մեր զրուցակցի, շտապօգնությունը ականատես է եղել, որ դիակը լողացրել են՝ իբր արյան հետքերը թաքցնելու համար, սակայն երկու տեղով ծակող-կտրող գործիքով վնասված է եղել դիակը: Վարորդի վրա հարձակվելուց հետո հարձակվել են բուժքրոջ վրա, ով ռեանիմացիա էր անում, միայն բժշկի հետ կոնֆլիկտ չեն ունեցել, ամենայն հավանականությամբ վախենալով նրա առնական տեսքից: Շտապօգնության վարորդը մի կերպ կարողացել է փախցնել մեքենան: Սպանվողի հայրը եւս հարբած վիճակում ընկած է եղել հատակին:
Կարդացեք նաև
Այս պահին կատարվում է նախաքննություն:
Շիրակի մարզի դատախազ Րաֆֆի Ասլանյանը Aravot.am-ին փոխանցեց, որ Գյումրիում կատարված սպանության առիթով հարուցվել է քրեական գործ՝ սպանության փաստի առթիվ, քրեական օրենսգրքի 104 հոդվածի 1-ին մասի հատկանիշներով: Ըստ դատախազի՝ ձերբակալվածներ հետեւաբար եւ կասկածյալներ այս պահին չկան: Նույն գործի շրջանակներում քննության է առնված նաեւ շտապօգնության բուժանձնակազմին ծեծի ենթարկելը:
Մանրամասները՝ ավելի ուշ:
Նունե ԱՐԵՎՇԱՏՅԱՆ
Ինչ ահավոր է այս Գյումրի կոչված «քաղաքը»: Այսօր էլ մի ուրիշ սպանություն է եղել: Հայաստանի «հայրաքաղաքը»:
Հարգելի Վարազ Սյունի սպանություններ լինում են Հայստանի բոլոր քաղաքներում ու առհասարակ ամբողջ աշխարհում և կարիք չկա նման հեգնական տոնով Գյուրմի քաղաքի մասին խոսելու, իսկ որ Գյումրին իրոք հայրաքաղաք է ՝ պատմությունն է փաստում: Հանրապետության առաջին համալսարանը հիմնադրվել է Գյումրում, առաջին թատրոնը դարձյալ Գյումրիում , առաջին մասնավոր հեռուստաընկերությունը Գյումրիում…Եթե աշխարհի որևէ վայրում ծածանվում է Հայոց եռագույնը դարձյալ Գյումրիցիների շնորհիվ է: Երևի մոռանում եք, որ ամեն օր չեմպիոն է տալիս Գյումրին, այնպես որ գրելուց առաջ մտածեք, որ չի կարելի մի ամբողջ քաղաքի վիրավորել, Ձեզ նման իրավունք որևէ գյումրեցի չի վերապահել: