ՀԱԿ խմբակցության քարտուղար Արամ Մանուկյանն այս պահին էլ դեռեւս «Արմենիա» բժշկական կենտրոնում շարունակում է բուժօգնություն ստանալ: Aravot.am-ի հարցերին ի պատասխան, Արամ Մանուկյանին բուժող բժիշկները հրաժարվեցին նրա առողջական վիճակի մասին հեռախոսով որեւէ տեղեկատվություն տրամադրել: Տեղեկացանք, որ պարոն Մանուկյանի վիճակը նորմալ է:
Նշենք, որ երեկ իր տան մոտ՝ Սոսեի 2/2 հասցեում անհայտ անձը հարձակվել եւ ծեծի է ենթարկել ՀԱԿ խմբակցության քարտուղար Արամ Մանուկյանին:
Ինչպես հաղորդել է «Չորրորդ իշխանությունը»՝ ժամը 20-ի սահմաններում, երբ Ա. Մանուկյանը ներս է մտել իրենց շենքի շքամուտք, այնտեղ դարանակալած մի անթրաշ երիտասարդ, 30-35 տարեկան, հարձակվել եւ բռունցքով հարվածել է պատգամավորի դեմքին, որը հարվածից ընկել է եւ վնասվածքներ ստացել:
Կարդացեք նաև
Լուսինե ԲՈՒԴԱՂՅԱՆ
Դա նրանից է,որ բոլորը կարող են մտնել շենքի շքամուտք: Քաղաքակիրթ երկրներում շենքերի շքամուտքները բանալիով փակ են,իսկ բանալիները միայն շենքի այդ մուտքի բնակիչներն ունեն ( intercom սիստեմ):