«Ես դեռ չեմ հասցրել ելույթին ծանոթանալ ու դեռ չեմ ցանկանում մեկնաբանություններ անել: Բայց եթե այդ հարցն եք տալիս`եթե իշխանություն է, ուրեմն գնդակը միշտ պետք է իր դաշտում լինի եւ այդ գնդակը խաղարկելու համար իշխանությունն անում է իր քայլերը»,- Aravot.am-ի հարցին, ինչպե՞ս կմեկնաբանի ԲՀԿ առաջնորդ Գագիկ Ծառուկյանի հրավիրած խորհրդաժողովում նրա ելույթը, ասաց ՀՀԿ խմբակցության ղեկավար Վահրամ Բաղդասարյանը:
Իր ելույթում, ԲՀԿ առաջնորդը հիշեցնենք, նկատել էր. «Ֆուտբոլային լեզվով ասած՝ գնդակը գտնվում է իշխանության դաշտում: Բայց քայլերի ժամանակն անսահման չէ»:
Գագիկ Ծառուկյանը նաեւ նկատել է, որ եթե իշխանությունը համապատասխան քայլեր չանի, ապա ժողովրդին այլ բան չի մնում, քան իշխանափոխություն, արտահերթ ընտրություններ:
«Չեմ կարծում, որ Գագիկ Ծառուկյանը կողմնակից է արտահերթ ընտրությունների: Իրենք նախապատրաստվում են 2017 թվականի ընտրություններին: Յուրաքանչյուր ուժ ունի իր մարտավարությունը: ԲՀԿ-ի մարտավարությունն այսպիսին է: Համբերեք, 2017 թվականին ամեն ինչ կգա իր տեղը, քաղաքական դաշտի վերադասավորում կլինի, որոշ մասին կգոհացնի, որոշ մասին`ոչ: Բնական է»:
Գագիկ Ծառուկյանի հրավիրած համաժողովից, այնտեղ հնչած քննադատական ելույթներից, հանրահավաքային պայքարը վերսկսելու մասին հայտարարություններից Վահրամ Բաղդասարյանը իշխանությանը սպառնացող վտանգ չի տեսնում: «Իշխանությունը միշտ պետք է զգոն լինի: Վտանգներ միշտ կան, որովհետեւ տնտեսության մեջ միշտ խնդիրներ կան, արտաքին, ներքին քաղաքականության մեջ խնդիրներ կան. դրանք բոլորն իրենց չափով վտանգներ են: Բայց ինչ-որ մեկից վտա՞նգ…ես չեմ կարծում, որ իշխանությունը նման մտավախություններ կարող է ունենալ»:
Կարդացեք նաև
Նելլի ԳՐԻԳՈՐՅԱՆ
Այս կարկառուն ՀՀԿ-ական միթե չի հասկանում, որ բոլոր արտաքին և ներքին խնդիրները հենց իրենք են ստեղծում։