«Այդ դեպքում ես էլ կսպանեմ դատախազին, կսպանեմ քննիչին, կսպանեմ հանձնաժողովին, ինձ էլ թող ազատ արձակեն, ի՞նչ է եղել որ։ Եթե նրանց կարելի է, ինձ էլ կարելի է»,- ազատամարտիկ Վարդան Թումանյանի քույրը՝ Մարիետա Թումանյանը, միայն մի բառով է նկարագրում իրենց վիճակը՝ ցնցված. «Փաստորեն, մեզ սյուրպրիզ արեցին, աստծո հայտնության օրը հայտնեցին, որ մարդասպաններն ազատ են արձակվել։ Ինձ բնակիչները զանգեցին եւ հայտնեցին, որ նրանք տուն բարձրացան, պատկերացնո՞ւմ եք իմ վիճակը։ Ի՞նչ եք կարծում, երբ այդ մարդն ինձ դեմ-հանդիման դուրս եկավ, ի՞նչ քայլ ես կարող եմ կատարել։ Այսօր այդ դատախազը, քննիչը, հանձնաժողովը ստիպում են ինձ եղեռնի 100-ամյակի առթիվ Հայաստանում եղեռն կազմակերպել՝ նռնակ գցեմ նրանց բնակարանում, կամ, ավտոմեքենայի մեջ լինեն, նռնակը նետեմ ավտոմեքենա, այսինքն՝ հրահրում են, նրանք են ինձ հրահրում։ Ես հանգիստ մտածում էի, որ արդարադատությունը պետք Է հաղթի»։
Անցած տարի Նոր Նորքի 7-րդ զանգվածում ազատամարտիկ Վարդան Թումանյանին (ով մի քանի օր հետո հիվանդանոցում մահացավ) ծեծի ենթարկած «Ջունգլ» մականունով Գեւորգ Սարգսյանը եւ նրա քրոջ որդի Սարգիս Ղուկասյանը մի քանի օր առաջ ազատ են արձակվել:
Սիրան ՀՈՒՆԱՆՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
