Այսօր կառավարության նիստի սկզբում վարչապետ Հովիկ Աբրահամյանը հայտնեց, որ ՀՀ կառավարությունը որոշել է օգնել զինվորական պարտականությունները կատարելիս վիրավորած Գեւորգ Եղիազարյանին: «Գեւորգ Եղիազարյանը արտերկրում բուժում է ստացել, իսկ քաղաքացիները դրամահավաք էին իրականացրել: Մենք ողջունում ենք այդ քայլը, եւ ես ու կառավարության անդամները որոշել ենք աջակցել Գեւորգին»,- ասաց Հովիկ Աբրահամյանը:
Իսկ թե կոնկրետ որքան գումար են հատկացնելու՝ կառավարության նիստում չմանրամասնվեց:
Հիշեցնենք, որ հայ-ադրբեջանական շփման գծում 4 տարի առաջ հակառակորդի գնդակից ծանր վիրավորում ստացած Գևորգ Եղիազարյանի բուժման առաջին կուրսի համար 70 հազար դոլար վճարել էր ՀՀ պաշտպանության նախարարությունը, բայց արտերկրում վերականգնողական բուժման համար անհրաժեշտ 56 հազար դոլարը չէր կարողացել տրամադրել:
Նելլի ԲԱԲԱՅԱՆ
