«Արթուր Բաղդասարյանը վարկաբեկված քաղաքական գործիչ է, բան չունեմ ասելու, այսօր ամբողջ քաղաքական դաշտում գյալաջիներն են շատացել, բայց կա մի մարդ, որն ուզում է ազգին ձեռք մեկնել, միգուցե ներե՞նք»,- երեկ, անդրադառնալով ՕԵԿ ղեկավար Արթուր Բաղդասարյանի սկսած կոնսոլիդացիային, մեր զրույցում ասաց «Հայկանդուխտ» ավանդապաշտ-ժողովրդավարական կուսակցության նախագահ Արմենուհի Ղազարյանը՝ հիշեցնելով, որ Արթուր Բաղդասարյանը պատասխանատվություն է կրում նաեւ Մարտի 1-ի հայտնի դեպքերի համար: Նշենք, որ «Հայկանդուխտ» կուսակցությունը միացել է ՕԵԿ-ի նախաձեռնած կոնսոլիդացիային: «Իհարկե, անշուշտ, Արթուր Բաղդասարյանը պատասխանատվություն է կրում երկրի էս վիճակի համար: Ես էլ եմ կրում, էլ ուր մնաց Արթուր Բաղդասարյանը, ով ԱԺ նախագահ է եղել»,- հայտարարեց Ղազարյանը: Մեր հարցին, թե այդ դեպքում՝ ինչո՞ւ են համագործակցում նման մարդու հետ, Ղազարյանը պատասխանեց, որ համագործակցում են հայոց վերածննդի գաղափարի շուրջ, բացի այդ՝ հույս ունեն, որ Արթուր Բաղդասարյանը փոխվել է: «Մարդ է, որն ուզում է ուղղվի, հանցագործն էլ, որ հանցագործություն է անում, հետո փորձում է ուղղվել. ուղղիչ աշխատանքների գաղութ է գնում եւ այլն: Ես հիմա չեմ կարող ասել, որ Արթուր Բաղդասարյանը փոխվել է»,- նշեց նա: «Հայկանդուխտի» ղեկավարի խոսքով, ՕԵԿ-ի հետ ստեղծած կոնսոլիդացիայի նպատակները ու դրանց հասնելու միջոցները պարզ չեն, քննարկումներ չեն եղել ու թերի տեղեկացված են այդ կոնսոլիդացիայի մասին: «Ես դեռ վստահ չեմ, որ ժողովուրդը կգնա Արթուր Բաղդասարյանի հետեւից, ա՛յ, որ ես կանգնեմ հարթակին, ժողովուրդը փողոց դուրս կգա»,- հայտարարեց նա:
Հոդվածն ամբողջությամբ կարդացեք «Հայկական ժամանակ» օրաթերթի այսօրվա համարում:
Պետք է ճշտել նրանից, թե իր գործարաններում ու մյուս կազմակերպություններում քանի ամիս ուշացումով է վճարում աշխատավարձը: Իր կուսակցության լիդերները ու նրանց բարեկամները հասցրեցին դառնալ գիտությունների թեկնածուներ: