ՀՀ ԱԺ ՀՀԿ խմբակցության պատգամավոր Սուքիաս Ավետիսյանը այսօր խորհրդարանում լրագրողների հետ զրույցում անդրադառնալով էլեկտրաէներգիայի թանկացմանը՝ նշեց, թե չի ուզում պաշտպանել ՀԷՑ-ին:
Այնուհետև մանրամասնեց. «Երկու ճիշտ է լինում՝ թանկ էլեկտրաէներգիա են վաճառել ՀԷՑ-ին, ՀԷՑ-ը հայտնվել է պարտքերի մեջ և ինքը պարտքեր է կուտակել արտադրող ձեռնարկություններին: Խնդիրը մեկն է՝ կամ էլեկտրաէներգիա արտադրող ձեռնարկություններին պարտքերը չեն տալու և դրանք ունենում են խնդիրներ և նույնիսկ ապագայում կարող է չկարողանան արտադրել»:
Ըստ պատգամավորի՝ գումարի հարցը լուծելու երկու տարբերակ կա. կամ պետք է գտնվեն այդ մեծ գումարները՝ «կամ երկինքը կտա, կամ բարեգործը կտա…», կամ սակագինը պետք է բարձրացվի:
Սուքիաս Ավետիսյանը հայտարարեց, որ «ցանկացած ընտանիքի համար սակագնի բարձրացումը վատ է, դա վերաբերում է բոլորին», եւ հավելեց. «6.93 դրամը լրացուցիչ 15%-ի բեռ է»:
Կարդացեք նաև
Հարցին,՝ արդյոք իշխանությունը պաշտպանում է ՀԷՑ-ին, որովհետև միասի՞ն են կերել գումարները, Ս.Ավետիսյանը չհամաձայնեց. «Եթե կուտակված պարտքերը չլինեին էլեկտրաէներգիա արտադրողներին, ես միանշանակ դեմ կլինեի որևէ մեկ լումա սակագնի բարձրացմանը»:
Նա հավելեց, թե սակագնի՝ նախկինում բարձրացումները հարցը չեն լուծել, որովհետև ճիշտ չի հաշվարկվել:
Տաթև ՀԱՐՈՒԹՅՈՒՆՅԱՆ
