Արմավիրի մարզի Ջրաշեն համայնքի 4 ամյա աղջնակի մահվան պատճառը սալմոնեա եւ ստաֆիլակոկային ինֆեկցան է եղել: Այս ինֆեկցիայի պատճառ կարող են լինել սալմոնեա եւ ստաֆիլակոկային ինֆեկցիաները, որոնք առաջանում են սննդից եւ ոչ պատշաճ հիգենիկ պայմաններից: Այսօր այս մասին ասաց առողջապահության նախարարի տեղակալ Գագիկ Միրիջանյանը:
Արմավիրի մարզի Նորապատ համայնքից մյուս փոքրիկն էլ, որը գտնվում է «Սուրբ Աստվածամայր» բժշկական կենտրոնում՝ դեռեւս կոմայի մեջ է:
Պարոն Միրիջանյանի վստահեցմամբ՝ այս երկու թունավորման դեպքերը պատճառահետեւանքային կապ միմյանց հետ չունեն: Փոխնախարարի խոսքերով՝ կոմայի մեջ գտնվող երեխայի մոտ նախնական եզրակացությամբ՝ դիզինտերիա է կասկածվում. «Երեխան կոմատոզ վիճակում է, բայց նրա մոտ ի սկզբանե առողջական զանազան այլ խնդիրներ են եղել»:
Մահացած փոքրիկի հարազատները պնդում են, որ երեխան մահացել է բժշկական սխալի պատճառով. արդյոք այս հանգամանքը փոխնախարարը բացառո՞ւմ է, հարցին՝ Միրիջանյանը հրաժարվեց պատասխանել, պատճառաբանելով, որ ներկայումս իրավապահ մարմինները զբաղվում են գործի քննությամբ, նախարարությունը եւս ուսումնասիրություն է անում:
Հիշեցնենք, որ Արմավիրի մարզում անչափահասների թունավորման 17 դեպք է գրանցվել, փոխնախարարն ասաց, որ մարզում համաճարակային խնդիր չկա, եւ անցյալ տարվա համեմատ, այս տարի դեպքերի թվի ավելացում չի գրանցվել:
Կարդացեք նաև
Նելլի ԲԱԲԱՅԱՆ
