Իջեւան քաղաքում, միջպետական ավտոճանապարհի եզրին գործում է գյուղատնտեսական մթերքների օրինական շուկա: Իսկ քաղաքի կենցաղի տան առջեւի հրապարակում, ուր նախկինում կանաչապատ տարածք էր, գործում է գյուղմթերքների ապօրինի շուկա: Այդտեղ վաճառում են Արարատյան դաշտից եւ այլ տարածքներից ներկրված մրգեր եւ բանջարեղեն: Վաճառքը կատարվում է նաեւ ավտոմեքենաների բեռնախցերից: Մրգերի եւ բանջարեղենի վաճառք է կատարվում նաեւ կենցաղի տան կամրջի մոտ,ուր մթերքները դրված են գետնի վրա:
Ընդհանուր առմամբ վերոհիշյալ տարածքներում առեւտրով է զբաղվում 70-80 հոգի: Իջեւանի քաղաքապետ Վարդան Ղալումյանին հարցրինք, թե նրանցից քանի՞սն են քաղաքապետարանից ստացել բացօթյա առեւտրի թույլտվություն: Նա հայտնեց, որ Իջեւանի քաղաքի տարածքում բացօթյա առեւտուր կատարելու թույլտվություն ունեն 8 հոգի,որոնցից մի քանիսը առեւտուր են կատարում նշված հատվածում:
Ոսկան ՍԱՐԳՍՅԱՆ
Հարգարժան Ոսկան Սարգսյան ապօրինի շուկայի մոտ վեր է խոյանում մի կառույց, որի համասեփականատերերը նախկին հեղափոխականներ են, որոնք մի ժամանակ մարտնչում էին ավագանու մարտերում; Նրանք կենցաղի տան դիմացի կանաչ գոտիներն էին ուզում վերադարձնել, բայց պարզ չէր, թե՝ ում: Եթե նկարեիք այդ կիսաշքեղ շենքը մեկ անգամ ևս սեփականատերերը կտեսնեին և կհիանաին իրենց ավարով:
հարգելի Հովո, ես գրել եմ կենցաղի տան առաջ հառնող երկհարկանի կառույցի,նաեւ դրա կողքին 904 քառակուսի մետր տարածքի մասին, որի համար 30 հազար դոլար են վճարել: Չեմ ուզել հարցը քաղաքականացնել, թե չե շատ բան կա ասելու