«Հայաստանն ինքնիշխան չէ, կամ ցածր մակարդակի ինքնիշխանություն ունի»,-Միջազգային և անվտանգության հարցերի հայկական ինստիտուտում այսօր «Հայաստանի ինքնիշխանության մարտահրավերները ՀՀ անկախության 25-րդ տարում» թեմայով կազմակերպված քննարկման ժամանակ ասաց տնտեսագետ Աշոտ Եղիազարյանը:
Անդրադառնալով Եվրասիական տնտեսական միությանը Հայաստանի անդամակցությանը՝ նա նշեց, որ Եվրասիական միությունում կյանքը չի ավարտվում, փոխարենը, ավարտվում է ինքնիշխանությունը:
Խոսելով ԵՏՄ միասնական արժույթի ստեղծման ծրագրից՝ տնտեսագետն ասաց, որ Մոսկվան խնդիր է դրել իր ազդեցության երկրում գտնվող երկրներին ընդգրկել մեկ միասնական պետության մեջ, ինչը ենթադրում է միասնական կառույցներ. «Զարմանալի չէ, որ հաջորդ քայլը միասնական արժույթին անցնելն է: Մեր քաղաքական ուժերը վաղն էլ կարող են ասել՝ մենք այլ ելք չունենք, քան ընդունել միասնական արժույթ եւ դառնալ միասնական պետության մասը»,-նշեց Աշոտ Եղիազարյանը:
Նրա խոսքով՝ Հայաստանն ինքնիշխանության կարող է հասնել Արեւմուտքի միջոցով, եթե ընտրի արեւմտյան կառույցներին ինտեգրվելու ճանապարհը:
Կարդացեք նաև
Լուիզա ՍՈՒՔԻԱՍՅԱՆ
