Եվրասիական տնտեսական միության անդամ 5 պետությունների բջջային կապի օպերատորները համաձայնել են մոտ ապագայում նվազեցնել ռոումինգի սակագինը: Այս մասին տեղեկանում ենք Եվրասիական տնտեսական հանձնաժողովի կայքում հրապարակված հաղորդագրությունից:
Նշված է նաեւ, որ հանձնաժողովի մրցակցության եւ հակամենաշնորհային կարգավորման նախարար Նուրլան Ալդաբերգենովը օպերատորներին կոչ է արել ընդհանրապես ԵՏՄ տարածքում հանել ռոումինգի սակագները:
Հանձնաժողովը հաշվարկել է, որ ԵՏՄ անդամ պետությունների ավելի քան 20 միլիոն քաղաքացիներ իրենց երկրից դուրս են ապրում եւ հաճախ են շփվում հարազատների հետ: Այսօրվա գործող սակագներով դա բավականին թանկ է: Օրինակ՝ Ռուսաստանի ներսում մեկ րոպեն արժի 2-2.5 ռուբլի, իսկ երկրի դուրս՝ ռոումինգով, 20-25 անգամ ավելի շատ (71 ռուբլի):
Օրերս նմանատիպ որոշում է կայացրել նաեւ Եվրոպական խորհրդարանը: Եվրամիության տարածքում շուտով ռոումինգի սակագինը ընդհանրապես հանվելու է. տեղեկացնում է «The Guardian»-ը:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
Հազար ու մի երկրում ռոումինգը կվերանա, բայց Ղարաբաղում չէ: Թող հայերը Ղարաբաղում ռոումինգը հանեն, շուռտվածները: Հենց ծառայելու հերթն ա գալիս, մենք մի պետություն ենք, հենց ռոումինգ չլինելուց` արդեն ուրիշ պետություն ա: Խաբողի ու ստրուկի մտածելակերպ: