Նվիրատվության ինստիտուտն Հայաստանում անհամեմատ զարգացած է, քան փոխառություններ տալու ավանդույթը։
Այդպես, ՀՀ Գլխավոր դատախազ Գեւորգ Կոստանյանին, ըստ իր հայտարարագրի, 2011 թ., դեռեւս Զինվորական դատախազ եղած շրջանում, 35 միլիոն դրամ նվիրատվություն են կատարել։ Նրա տիկինը եւս 100 000 դոլար նվիրատվություն է ստացել։
Նվերներ սիրում են նաեւ ՀՀ վերահսկիչ պալատի նախագահը եւ նրա տիկինը՝ Գայանե Սողոմոնյանը, որը նաեւ Երեւանի քաղաքապետարանի կրթության վարչության ղեկավարն է։ Նա 15 000 դոլար նվիրատվություն է ստացել։ Իշխան Զաքարյանին նվիրել են մի ապարանք։
Երբ համացանցով փնտրում էի պաշտոնյաների եւ նրանց նյութապաշտ կանանց նվիրատվությունների մասին տեղեկություններ, զարմացա։ Փորձեք ինքներդ, գրեք քիչ թե շատ հայտնի որեւէ պաշտոնյայի, դատավորի կամ նրա տիկնոջ անունը եւ հարեւանությամբ նշեք «նվիրատվություն» կախարդական բառը, անմիջապես հառնում է սոսկալի մի պատկեր՝ տասնյակ հազարավոր դոլարի նվիրատվությունները՝ պաշտոնյաներին ու նրանց կանանց։
Կարդացեք նաև
Սա, եթե կուզեք, գանձագողության, հետեւաբար՝ պետական դավաճանության հոդված է։ Պետության ողջ վերնախավը կոռումպացված է: Այսինքն՝ սրանք մարդիկ են, որոնք փողի համար ընդունակ են խախտել Սահմանադրությունը, օրենքները, կաշառքը ներկայացնել իբրեւ «նվիրատվություն»։
Ճաշի սեղանների շուրջ նամուսի ու պատվի գերի այս տղամարդիկ անգամ սեփական կանանց են օգտագործում իրենց կոռումպացվածությունը օրինականացնելու համար, նրանց անունով նվիրատվություններ ձեւակերպում:
Լիլիթ ԱՎԱԳՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
Երբեմնի “Չլուտ Չփլաղները”, Հայ ժողովրդի միամիտ ու բարի դյուրահավատությունից օգտվելով, իշխանությունը զավթեցին, դառան գել ու գազան ու սկեսեցին երկիրն ու ժողովրդին հոշոտել …