Զորավար Մանվել Գրիգորյանն անչափ կարեւորում է սերունդների քրիստոնեական դաստիարակությունը: Պատահական չէ, որ եռասերունդ Երկրապահի եւ հայ առաքելական սուրբ եկեղեցու միջեւ ազգաշահ գործակցություն է ծավալվել: ԵԿՄ 1-րդ հոբելյանական համագումարից հետո՝ 2014-ի փետրվարի 26-ին, նորընտիր վարչությունն արժանացավ Ամենայն հայոց կաթողիկոս Գարեգին 2-րդի ընդունելությանն ու օրհնանքին: Վեհափառը Երկրապահին օրհնած Խաչ նվիրեց, որ այսօր կազմակերպության կարեւորագույն խորհրդանիշերից է: Նույն տարում վեհափառի նախաձեռնությամբ Երկրապահի օրը ճանաչվեց եկեղեցու կողմից, եւ հայ առաքելական բոլոր եկեղեցիներում մայիսի 8-ին սուրբ պատարագ է մատուցվում:
Վեհափառի կարգադրությամբ պատանի երկրապահները եւս մայր եկեղեցու ճանաչումն ստացան: 2015-ից սկսած՝ մարտի 5-ին՝ Սպարապետ Վազգեն Սարգսյանի ծննդյան օրը, որը Երկրապահի ղեկավար, Արցախի հերոս Մանվել Գրիգորյանի նախաձեռնությամբ նաեւ պատանի երկրապահների երդման օրվա է վերածվել, պատանիների օրհնության կարգեր են անցկացվում բոլոր եկեղեցիներում: Եվ ահա, հերթական հանդիպումը՝ Սպարապետի ծննդյան եւ պատանի երկրապահների երդման տոնական միջոցառումները բարձր մակարդակով անցկացնելուց հետո, նաեւ՝ Հարության տոնի առիթով, Ամենայն հայոց կաթողիկոսը դարձյալ հայրապետական օրհնություն տվեց Երկրապահ կամավորականների միությանը:
Միջոցառումն սկսվեց աղոթքով: Երկրապահի եւ հայ առաքելական սուրբ եկեղեցու կարեւորությունը գնահատեցին Զորավարն ու վեհափառ հայրապետը:
Կարդացեք նաև
ԵԿՄ
