«Բանակում հրաշք մթնոլորտ է: Եթե առաջ չգիտեինք՝ ինչ կլինի, հիմա լավ գիտեն, պատրաստ են, սպասում էին սրան: Այս չդադարող, անհասկանալի վիճակին վերջապես պետք է վերջակետ դրվի: Որ տեսնեք իրենց ոգին, ինչի՞ մասին է խոսքը՝ Գանձակն է առջեւում: Նրանց ոգին աննկարագրելի է»,- այսօր Aravot.am-ի հետ զրույցում այսպես նկարագրեց բանակում այս օրերին մթնոլորտը ՀՀԿ խմբակցության պատգամավոր, երգչուհի Շուշան Պետրոսյանը:
Նա հարցազրույցի ընթացքում չէր կարողանում զսպել արցունքները, հուզվում էր, ձեռքերով փակում դեմքը, որ չարտասվի:
«Մեկ-մեկ խոսում եմ, ասում եմ՝ հոգնա՞ծ եք, տղերք: Ասում են՝ ի՞նչ հոգնել, հիմա հոգնել չկա, չենք կարող հոգնել: Փառք ու պատիվ մեր զինվորներին, մեր վետերաններին, ժողովրդին: Ստեփանակերտից զանգում բողոքում են, թե այ ձեր ցավը տանեմ, հյուրանոցներում էլ տեղ չկա, էս կամավորները որ գնում են, դժվարը տեղավորելն է իրենց»:
Նա ասաց, որ իրեն շատ կանայք են դիմում, որ անդամագրվեն՝ առաջնագիծ գնալու. «Հարսիկիցս սկսած՝ բոլորը: Հարսս շատ լավ կրակում է: Մենք մնանք ռեզերվ: Այնպիսի առյուծներ ունենք, որ մեզ հերթ չի հասնի»:
Կարդացեք նաև
Հռիփսիմե ՋԵԲԵՋՅԱՆ