«Թուրքե՛ր, ե՞րբ պիտի վերանաք աշխարհի երեսից». այսօր Եռաբլուրում Ղարաբաղա-ադրբեջանական շփման գծում՝ Թալիշում հակառակորդի գնդակից զոհված կամավոր 61-ամյա Սուրեն Ճարատանյանի հուղարկավորության ժամանակ այսպես բղավեց նրա հարազատներից մեկը:
Aravot.am-ի հետ զրույցում Ճարատանյանի հորաքույրը՝ Անահիտ Ճարատանյանն արցունքն աչքերին ասաց. «Աստծուն պիտի խնդրենք, որ վերանան թուրքերը, բավակա՛ն է արդեն: Պիտի վերանան, ուրիշ ելք չկա: Քանի թուրքը կա, այսպիսի բաներ կլինեն: Նա պիտի վերանա, կամ էլ մենք պիտի դառնանք շատ հզոր Հայաստան՝ զենքով, ամեն ինչով, որ մեզանից վախենան: Ուրիշ ելք չունենք: Տեսնո՞ւմ եք արտասահմանից ինչքան օգնում են, բայց մենք ներսից պիտի ուժեղ լինենք, ամուր կամք ունենանք, սիրենք մեր պետությունը: Պետությունն էլ պիտի մեզ սիրի, որ ուժեղ լինենք, թուրքին զոհ չգնանք, նրանց գնդակներից չընկնենք: Ես Աստծուն խնդրում եմ՝ թուրքը պիտի՛ վերանա աշխարհի երեսից, ուրիշ միջոց չունենք ապրելու: Մենք տեսնում ենք, ՌԴ-ից էլ, ամեն տեղից էլ եկան, գնացին: Տեսա՞ք, ոչ մեկն էլ մեզ չի օգնում, որովհետեւ սա բիզնես է: Իրար հետ առեւտուր են անում, զենք են վաճառում: Մեդվեդեւն եկավ, ի՞նչ ասեց՝ մեզնից չվերցնեն, ուրիշ պետությունից կվերցնեն: Այնպես որ, մեզ ոչ մեկը չի օգնի, մե՛նք պիտի մեզ օգնենք՝ մեր սփյուռքի հայերով»:
Հռիփսիմե ՋԵԲԵՋՅԱՆ
