Սյունիքի մարզպետ Սուրիկ Խաչատրյանը եւ ԵԿՄ վարչության ղեկավար Մանվել Գրիգորյանն անդադարձել են Վահան Բադասյանի հայտարարությանը:
Սուրիկ Խաչատրյանը Բադասյանին շանտաժիստ է անվանել՝ նշելով, որ կյանքում դիրքերից չի փախել՝ ո՛չ մինչեւ 1994 թվականը, ո՛չ էլ ապրիլյան ռազմական գործողությունների ընթացքում:
https://www.youtube.com/watch?v=nqZmnAknqS4
Իսկ Մանվել Գրիգորյանը հայտարարել է, որ չի ճանաչում Վահան Բադասյանին, եւ կրկին շանտաժ է անվանել հայտարարությունը:
Կարդացեք նաև
Aravot.am-ը խնդրեց Վահան Բադասյանին անդրադառնալ այս հայտարարություններին:
«Ռինգից հետո բռունցքները չեն թափահարում: Ռինգը եղել է ամսի 4-ին, 5-ին, ամսի 4-ին էլ ես այդ մասին խոսել եմ: Քառօրյա պատերազմի օրերն են եղել, երբ նշված մարդիկ եկել են նկարահանվելու եւ նկարահանվել են: Իրենք դիրքերից փախած են, իրենք դիրքեր ոչ մի անգամ էլ չեն եկել: Թեկուզ Մանվել Գրիգորյանին գովաբանել է Ղարաբաղի նախագահը, թեկուզ Հայաստանի նախագահը, թեկուզ մամուլի խոսնակը, թեկուզ մյուսները-մյուսները, դա կապ չունի, նրանք դա արել են իրենց իշխանական բուրգը պահելու համար:
Բայց թե՛ Լիսկան, թե՛ Մանվելը, թե՛ մյուսները, հիմա ասում եմ, եւ ասել եմ, միշտ եղել են ավելորդներ, հատկապես՝ Լիսկան դիրքից փախնող է եղել, հիմա ինքը կուզի շանտաժիստ ասել, շանտաժիստ չասել, ես չեմ ընդունում այդ խոսակցությունները: Ասում եմ եւ վերջ, նա 1994 թվականին դիրքը թողել փախել է եւ հանձնել Հորադիզը, հիմա ես ասում եմ պատասխանատվությամբ՝ դիտավորյալ եւ պայմանավորված պաշտոնական Երեւանի հետ: Ովքեր են եղել պաշտոնական Երեւանի պատասխանատուները 1994 թվականի հունվարի 5-ին, վերցրեք ինքներդ թերթեք, թե ովքեր են եղել պատասխանատուները: Եթե ես սխալ եմ ասում, թո՛ղ դատի տան ինձ: Ես ասել եմ եւ վերջ, մեկնաբանություններ չեմ ուզում անել»,- ասաց Վահան Բադասյանը:
Անդրադառնալով Մանվել Գրիգորյանի հայտարարությանը, թե Վահան Բադասյանին չի ճանաչում, նա ասաց. «Միգուցե հիվանդ է, չի հիշում: Ես եղել եմ, կամ, կմնամ, եթե չի ճանաչում՝ իր խնդիրն է: Իրեն հարցրեք՝ միգուցե հիշողության հետ խնդիր ունի, միգուցե՝ ոչ, դա իր խնդիրն է, միգուցե հիվանդ է մարդը: Ադրբեջանցիներն էլ են ինձ ճանաչում, եւ ադրբեջանցիներն էլ են ինձ հայհոյում, հիմա թո՛ղ Մանվելի նման մեկն էլ ինձ հայհոյի, ես դրանում խնդիր չեմ տեսնում: Թո՛ղ ինձ հայհոյողը Մանվելի նման լինի»:
Հիշեցնենք, որ Վահան Բադասյանը ներկայացրել էր Մանվել Գրիգորյանի հետ կատարված միջադեպի մանրամասները:
Ամի ՉԻՉԱԿՅԱՆ
Բարև Ձեզ
Ապրես Վահան:
մանվել, լիսկա և նմանակներ, լսելով ձեր անհոդաբաշխ ելույթները հայրենի հողը որպես անկարևոր տարածքներ ներկայացնելու մասին, այդպիսի ստրակամիտ ձևով , ես նորից ընթերցեցի Խորենացու Ողբը:
Հորդորում եմ ընթերցեք նաև դուք, եթե իհարկե կարդալ գիտեք:
մանվել, լիսկա, վահրամ, ռուստամ և նմանակներ, դուք ձեզ չեք տեսնում այստեղ:
Մեջբերում.
ՄՈՎՍԵՍ ԽՈՐԵՆԱՑՈՒ ՈՂԲԸ ՀԱՅՈՑ ԹԱԳԱՎՈՐՈՒԹՅԱՆ ՄԱՍԻՆ
Ժողովրդականները՝ ամբարտավան, ստահակ, մեծախոս, աշխատանքից խուսափող, արբեցող, վնասագործ, ժառանգությունից փախչող:
Զինվորականները՝ անարի, պարծենկոտ, զենք ատող, ծույլ, ցանկասեր, թուլամորթ, կողոպտիչ, գինեմոլ, հելուզակ, ավազակների բնութենակից:
Իշխանները՝ ապստամբ, գողերին գողակից, կաշառակեր, կծծի, ժլատ, ագահ, հափշտակող, աշխարհ ավերող, աղտեղասեր, ծառաներին համամիտ:
լիսկան որ դիրքից փախնող է դա 100%
Մարդը նախկինում 3 անգամ պաշտոնապես դատված է,բայց… Սյունիքի մարզպետ է:
Պետք է հիշել, որ Հայրենական Մեծ պատերազմի սկզբում արդեն հին սերունդի հրամանատարները չէին համապատասխանում նոր իրավիճակին: Դրա համար Ստալինը շատ մեծ կորուստներից հետո բոլորին փոխեց ու ղեկավարման եկավ հրամանատարների նոր սերունդ, որը պարգևեց հաղթանակ: Հիմա պարտադիր չէ շատ մեծ կորուստներ ունենալ ու հետո մտածել դրա մասին, քանի որ այդ հետոն կարող է նաև անդառնալի լինի: Պետք է դրանց հեռու պահել բանակից ու այն վերակառուցել տաղանդավոր ու հայրենասեր կադրերի միջոցով: Եթե մեր ղեկավարները հայրենասեր են, ապա նրանք առանց ամաչելու պետք է արագ լուծեն նման սուբյեկտիվ բնույթ ունեցող հարցերը:
ՎԱՀԱՆ ՋԱՆ ՍՐԱՆՔ ՈՆՑ ՊԵՏՔԱ ՃԱՆԱՉԵԻՆ ՔԵԶ նրանք քեզանից շաաաատ հետո էին մտնում ազատագրված տարացքները հո քեզ նման խելառ չեն վոր կռվին մասնակցեն բա թալանը օվ անի