ԵԱՀԿ խորհրդարանական վեհաժողովում Մարգարեթ Սեդելֆելթի ներկայացրած բանաձեւի նախագծին անդրադարձավ նաեւ ադրբեջանցի պատգամավոր Էլշադ Հասանովը:
Նշենք, որ հայկական պատվիրակությունից նախագծին անդրադարձել է միայն պատգամավոր Արտաշես Գեղամյանը: Իսկ ադրբեջանական պատվիրակությունից այս հարցի վերաբերյալ երեք ելույթ է հնչել:
Էլշադ Հասանովը հայտարարեց, որ բանաձեւը հիմնված է իրավիճակի սթափ վերլուծության վրա՝ գլոբալ անվտանգության առումով. «Այդ կոնտեքստում ես կառանձնացնեի չլուծված հակամարտությունների հարցը, որոնք ցավոք սրտի, շարունակում են լինել մեր տարածաշրջանի անվտանգության ամենալուրջ սպառնալիքը: Ինչպես երեկ հայտարարվել էր, այս հակամարտությունների շարունակություն քայքայում է մեր համատեղ ջանքերը»:
Ադրբեջանցի պատգամավորը համարում է, որ հակամարտության լուծման համար անհրաժեշտ է քաղաքական կամք. «Պետք է գալ համաձայնության, որը կթեթեւացնի միլիոնավոր մարդկանց ցավերը, եւ նոր հեռանկարներ կբացի տարածաշրջանի զարգացման եւ համագործակցության համար: Հենց այս կոնտեքստում կցանկանայի, որ խորհրդում իմ բոլոր գործընկերները մեծ նշանակություն տան չկարգավորված հակամարտություններին, եւ նրանց անհապաղ կարգավորման եղանակով շարժվեին»:
Կարդացեք նաև
Ամի ՉԻՉԱԿՅԱՆ
