Վերաքննիչ քրեական դատարանում հոկտեմբերի 14-ին քննվում էր «Սասնա ծռեր» խմբավորման անդամ Գագիկ Եղիազարյանի խափանման միջոց կալանքի երկարացման բողոքը:
Նրա պաշտպան Դավիթ Գյուրջյանը Aravot.am-ին հայտնեց, որ դատարանը մերժել է բողոքը. «Ինչպես միշտ նույն իրավիճակն է՝ որեւէ հիմնավորող հանգամանք չկա: Վերաքննիչ դատարանը կրկին բավարարում է միջնորդությունը»:
Դատական նիստին մասնակցել է նաեւ Գագիկ Եղիազարյանը, սակայն վերջինս հայտարարությամբ հանդես չի եկել, պարզապես միացել է իր պաշտպանի դիրքորոշմանը: Դավիթ Գյուրջյանը նշեց, որ պատրաստվում են բողոքարկել որոշումը Վճռաբեկ դատարանում՝ ներպետական ատյանները սպառելու նպատակով, որպեսզի հետագայում դիմեն Մարդու իրավունքների եվրոպական դատարան:
Հիշեցնենք, որ Գագիկ Եղիազարյանին մեղադրանք է առաջադրվել՝ քրեական օրենսգրքի 219-րդ հոդված 3-րդ մասի 1-ին կետով՝ կազմակերպված խմբի կողմից՝ շենքեր, շինություններ, տրանսպորտի, հաղորդակցության կամ կապի միջոցներ զավթելը, եւ 235-րդ հոդվածի 3-րդ մասով՝ կազմակերպված խմբի կողմից՝ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը:
Կարդացեք նաև
Ամի ՉԻՉԱԿՅԱՆ
“Հիշեցնենք, որ Գագիկ Եղիազարյանին մեղադրանք է առաջադրվել՝ քրեական օրենսգրքի 219-րդ հոդված 3-րդ մասի 1-ին կետով՝ կազմակերպված խմբի կողմից՝ շենքեր, շինություններ, տրանսպորտի, հաղորդակցության կամ կապի միջոցներ զավթելը, եւ 235-րդ հոդվածի 3-րդ մասով՝ կազմակերպված խմբի կողմից՝ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը:”
չեմ հասկանում, թե ի՞նչ է արել էս մարդը, որ իրան կալանավորել են : 😀