Ըստ Արեւելյան օրացույցի, 2017 թվականը Հրե Աքաղաղի տարի է եւ տարվա «Տերը» կենդանակերպի տարբեր նշանների տակ ծնվածներին տարբեր կերպ է վերաբերվելու:
ՀՀ նախագահ Սերժ Սարգսյանը ծնվել է հունիսի 30-ին. Խեցգետին:
Խեցգետինների համար տարին լինելու է չափավոր լարված, սակայն նրանք հաջողելու են հաղթահարել այդ լարվածությունը: Մեծ է հավանականությունը, որ Խեցգետինը իր եւ շրջապատի համար կանի կարեւոր քայլ, օրինակ ինչպես 50 տարի ծխողը թողնի ծխելը կամ հաշտվի տասնյակ տարիներ առաջ գժտված մեկի հետ: Աստղագուշակները Խեցգետիններին խորհուրդ են տալիս 2017-ին սովորել «Ոչ» ասել՝ հատկապես ամենամտերիմներին: Հավանական է, որ աշնանը Խեցգետինը կվայելի անցյալի սխալների դառը պտուղները:
Խեցգետինները լավ կանեն, եթե 2017-ին ուշադրություն դարձնեն առողջությանը՝ մի քանի օրով լինեն որեւէ հանգստավայրում, զբաղվեն յոգայով:
ՀՀ վարչապետ Կարեն Կարապետյանը ծնվել է օգոստոսի 14-ին. Առյուծ
Առյուծների համար 2017 թվականը լինելու է վտանգավոր եւ անկանխատեսելի տարի, հարկ է մեծ ուշադրություն դարձնել իրավական փաստաթղթերին, գտնել անգամ փոքր եւ փաստաթղթի բովանդակության վրա չազդող սխալները: Առյուծի լարված աշխատանքը մեծ ժամանակ կխլի եւ ընտանիքի անդամներն ու մտերիմները կնեղվեն նրա երկարատեւ բացակայություններից: Ուստի Առյուծը չպետք է փորձի հարաբերություններ պարզել, այլ խաղաղության հասնի վիճակի բարդությունն ու ծանրությունը ներկայացնելով: Սա ոչ միշտ կհաջողվի եւ 2017-ին վեճն ու հակամարտությունները կլինեն Առյուծի մշտական ուղեկիցը:
Առողջական խնդիրներ չունենալու համար Առյուծը ողջ տարվա ընթացքում պետք է պարբերաբար պրոֆիլակտիկ ստուգումների գնա եւ հաճախ զբոսնի մաքուր օդում:
ՀՀ ԱԺ նախագահ Գալուստ Սահակյանը ծնվել է ապրիլի 8-ին. Խոյ
Խոյերի համար տարին կայուն կլինի, սակայն կլինեն թե հաճելի, թե տհաճ անակնկալներ: Խոյերը չպետք է վստահեն ոսկե սարեր խոստացող անծանոթներին եւ ամբողջությամբ տրվեն մտերիմների եւ հարազատներին հորդորներին: Խոյերը բացառիկ շանս են ստանալու ուղղել անցյալի սխալները: Խոյերը պետք է հիշեն, որ խոստում տալը հեշտ է, սակայն խոստումը կատարելը անհրաժեշտություն է եւ իրականությունից կտրված խոստումներ չտան:
Խոյերը պետք է ուշադիր լինեն առողջությանը եւ տեղ տան թե առողջ սննդին, թե դիետաներին, թե զբոսնելուն, թե ֆիզիկական վարժություններին:
Ըստ աստղագուշակներ հրապարակող համացանցային տարբեր կայքերի նյութերի