ՀԱԿ գրասենյակում այսօր ներկայացվեց «Կոնգրես-ՀԺԿ»-դաշինքի՝ ԱԺ ընտրությունների նախընտրական ծրագիրը: ՀԱԿ փոխնախագահ Լեւոն Զուրաբյանը հավաստիացրեց, որ այն սովորական նախընտրական ծրագիր չէ. «Եթե կուզեք՝ ճշմարտությունը մեր ժողովրդին ասելու ծրագիր է: Տարիներ շարունակ պետական քարոզչությունը թաքցրել է ճշմարտությունը: Մեզ մատուցել են, թե իբր Ղարաբաղի հարցը լուծված է, մեր անվտանգությունն ապահովված է, բայց հեքիաթները փուչիկի նման պայթում են»:
Զուրաբյանի բնորոշմամբ՝ ՀՀ-ն խեղդվում է շրջափակումից, հակամարտությունից: Պետք է կարգավորել հարաբերությունները Ադրբեջանի հետ, լուծել ԼՂՀ խնդիրն այնպես, որ ապահովվի ԼՂՀ եւ ՀՀ անվտանգությունը, որն էլ կապահովի ԼՂՀ ժողովրդի ինքնորոշման իրավունքը: Այդ ծրագիրը Մադրիդյան սկզբունքների վրա հիմնված համանախագահների ծրագիրն է, որը 2007թ. ընդունել է ՀՀ իշխանությունը. փութաջան դիվանագիտական ջանքերով պետք է հասնել դրա իրականացմանը»:
Կարդացեք նաև
ՀԱԿ փոխնախագահի փոխանցմամբ՝ ծրագրով առաջարկվում է կարգավորել հարաբերությունները նաեւ Թուրքիայի հետ՝ առանց այն պատմաբանների, որոնք կասկածի տակ են դնում Հայոց ցեղասպանությունը:
Լուիզա ՍՈՒՔԻԱՍՅԱՆ
