Ապրիլի 2-ին խորհրդարանական ընտրություններից հետո Aravot.am-ը իր ընթերցողներից հետաքրքրվեց, թե որ քաղաքական ուժի օգտին են քվեարկել: Ընթերցողներին հնարավորություն էր տրվել ընտրել 9 կուսակցություններից որեւէ մեկի անվանում կամ պատասխանել «Անվավեր եմ դարձրել» կամ «Չեմ մասնակցել»:
Մեր հարցմանը մասնակցել է 503 օգտատեր, նշենք, որ նրանք ունեին հարցմանը մասնակցելու 1 հնարավորություն: Այսպիսով՝ ընտրություններին չի մասնակցել հարցվածների 8 տոկոսը, իսկ 1 տոկոսն էլ անվավեր է դարձրել քվեաթերթիկը:
Մեր հարցման արդյունքներով՝ 5 տոկոսի շեմը չի հաղթահարել 4 ուժ՝ Հայաստանի Կոմունիստական կուսակցությունը՝ 1 տոկոս, «Հայկական վերածնունդ» կուսակցությունը՝ 2 տոկոս, «Ազատ դեմոկրատներ» դաշինքը՝ 4 տոկոս, եւ «Օհանյան-Րաֆֆի-Օսկանյան» դաշինքը՝ եւս 4 տոկոս:
5 տոկոսի շեմը հաղթահարել է 5 ուժ՝ Հայ հեղափոխական դաշնակցությունը՝ 5 տոկոս, «Կոնգրես-ՀԺԿ» դաշինքը՝ 9 տոկոս, «Ծառուկյան» դաշինքը՝ 13 տոկոս, Հայաստանի Հանրապետական կուսակցությունը՝ 17 տոկոս: Իսկ առավել շատ ձայներ է հավաքել «Ելք» դաշինքը`36%:
Կարդացեք նաև
Ա. ՉԻՉԱԿՅԱՆ
«Առավոտ»
15,04.2017
Հետաքրքիր է, որ թերթի ընթերցողների՝ քրեաօլիգարխիկ համակարգի ներկայացուցիչները հավաքել են ձայների ավելի քան 1/3-րդը: Երևի հենց սա է թերթի՝ օբյեկտիվ լինելու ճշմարիտ չափանիշներից մեկը: