Լրահոս
Օրվա լրահոսը

Փաշինյանը հրապարակեց ծրագիրը, որի շուրջ պատրաստ են բանակցել ՀՀԿ-ի հետ՝ մեկ նախապայմանով

Ապրիլ 20,2018 22:00

«Ուշ է երկխոսության համար՝ գնացքը գնացել է: Բայց սա չի նշանակում, թե պատրաստ չենք քննարկում ունենալուն: Մենք, իհարկե, պատրաստ ենք քննարկել Սերժ Սարգսյանի հեռացման՝ հրաժարականի ժամկետները եւ դրա հետ կապված որոշ պայմաններ:

Պատրաստ եմ ասել, որ մենք վրեժխնդրություններ չենք ուզում: Եթե Սերժ Սարգսյանը օր առաջ բացի իր աչքերը եւ հրաժարական տա, դա միայն ու միայն օգուտ կբերի նրան եւ ՀՀ-ին»,-քիչ առաջ հանրահավաքում հայտարարեց պատգամավոր Նիկոլ Փաշինյանը:

Նա խոսեց նաեւ այն մասին, թե ինչպես են պատկերացնում հետագա քաղաքական զարգացումները.

1.«Սերժ Սարգսյանը հրաժարական է տալիս վարչապետի պաշտոնից:

2.ԱԺ-ն վարչապետ է ընտրում ժողովրդի թեկնածուին:

3.Ձեւավորվում է ժամանակավոր կառավարություն:

4.ՀՀ օրենսդրությամբ՝ վարչապետ նշանակվելուց հետո քսան օր հետո ԱԺ-ն պետք է հավանություն տա կառավարության ծրագրին: Երբ ձեւավորվում է ժամանակավոր կառավարություն, քաղաքական պայմանավորվածության համաձայն՝ ԱԺ-ն չի ընդունում կառավարության ծրագիրը, ինչից հետո իրավունքի ուժով տեղի են ունենում արտահերթ խորհրդարանական ընտրություններ»:

Նիկոլ Փաշինյանը վստահեցրեց՝ պատրաստ են քննարկել նշյալ ծրագրի կետերը ՀՀԿ-ի հետ, որպեսզի ապահովեն իշխանության սահուն՝ անցնում փոխանցումը ժողովրդին. «Նախապայման կա՝ արտահերթ ԱԺ ընտրությունների արդյունքները որեւէ մեկի կողմից կասկածելի չպետք է լինեն: Հիմա եւ հետո ընտրություններում պետք է հաղթի միայն ժողովուրդը»:

Այս հայտարարությունից հետո ցուցարարները վանկարկեցին՝ «Նիկոլ՝ վարչապետ»:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2018
Երկ Երե Չոր Հնգ Ուրբ Շաբ Կիր
« Մար   Մայիս »
 1
2345678
9101112131415
16171819202122
23242526272829
30