Ռուսաստանի դաշնության մայրաքաղաք Մոսկվայում շարունակում են բերման ենթարկել ընդդեմ Վլադիմիր Պուտինի 4-րդ անգամ նախագահության՝ «Նա մեր ցարը չէ» կարգախոսով ցույցի մասնակիցներին:
«Ազատություն» ռադիոկայանի ռուսական ծառայության փոխանցմամբ՝ արդեն 1200-ից ավելի բերման ենթարկվածներ կան ամբողջ Ռուսաստանում, միայն 500-ը՝ Մոսկվայում:
Հիշեցնենք, այսօր Ռուսաստանի 90 քաղաքներում բողոքի ցույցեր են ընթանում: Մայիսի 7-ին Վլադիմիր Պուտինի, որպես այդ երկրի նախագահի, երդմնակալությունն է լինելու: Ցուցարարները վանկարկում են՝ «Պուտինը գող է, Ռուսաստանն՝ առանց Պուտինի: Կորչի՛ ցարը, կորչի՛ Չեկիստների իշխանությունը»:
Մայրաքաղաքի կենտրոնում ընթացող ցույցերը, որոնք կազմակերպել է ռուս ընդդիմադիր գործիչ Ալեքսեյ Նավալնին, արտոնված չեն: Իշխանությունները, սակայն, թույլ են տվել ցույցեր անել Մոսկվայի ծայրամասային հատվածում:
Ալեքսեյ Նավալնիին բերման են ենթարկվել: Բերման են ենթարկվել նաեւ լրագրողներ:
Ռուս ոստիկանները կոպիտ մեթոդներով Ռուսաստանի տարբեր քաղաքներում եւ հատկապես Մոսկվայում մարդկանց համատարած բերման են ենթարկում: Ոստիկանական զորքերը Մոսկվայի Պուշկինի հրապարակից ցրել է ցույցերը, իսկ ցուցարարները շարժվում են քաղաքի այլ հատվածներ, նրանք ոստիկանների հորդորով՝ նրանք քայլելում են մայթերով, որպեսզի չխանգարեն երթեւեկությանը: Ցուցարարների թիվը նվազել է:
Պատրաստեց՝ Նելլի ԲԱԲԱՅԱՆԸ
Լուսանկարը՝ Ազատություն ռադիոկայանի ռուսական ծառայության