«Ես եմ բանակը». լուսանկարն արվել է Կիեւի փողոցներում: Ռուսաստանի Դաշնության հետ փաստացի պատերազմող այս երկրում՝ Ուկրաինայում, հատկապես նրա մայրաքաղաք Կիեւում հաճախ հանդիպող պաստառն է: Դրա հեղինակը Ուկրաինայի տեղեկատվական նախարարությունն է: Այն նախատեսված է ուկրաինական զինված ուժերի հանրայնացման եւ բանակի հեղինակության բարձրացման համար: Բացի նման պաստառներից՝ նույն նպատակով նաեւ սոցիալական գովազդներ են տարածվում երկրում, հատկապես «դու պետք ես հիմա» խոսքերով գովազդները:
Հակամարտող երկրներին երեւի բնորոշ են բանակի հեղինակությունը բարձրացնող գովազդները: Այս երկրում էլ, ինչպես Հայաստանում, բանակի համար դրամահավաք է կազմակերպվում:
Սա էլ «Ազգ-բանակի» ուկրաինական տարբերակն է: Իհարկե, «Ազգ-բանակը» հայկական գաղափար չէ: Դժվար է ասել՝ այս երկրներում բնակչության քանի տոկոսի սրտով է նման քարոզչությունը, սակայն ակնհայտ է՝ պատերազմող երկրներում խաղաղությունն այն թափով չի քարոզվում, ինչպես զինված ուժերը, հասարակություններին ավելի շատ պատրաստում են պատերազմին, քան խաղաղությանը:
Լուսանկարը՝ Նելլի Բաբայանի
«Առավոտ» օրաթերթ,
03.08.2018
Նու նու..ուկրաիներենում նույնիսկ ԵՍ բառի իրենց տարբերակը չունեն (և չեն մտածում հնարել) ու դեռ մի բան էլ պատերազմում են Ռուսաստանի դեմ: Կիևյան Ռուսիան էլ՝ Կիև մայրաքաղաքով, իհարկե, ռուսական լեգենդ է: