Գերմանական Deutsche Welle-ն հրապարակել է Ժուռնալիստների միջազգային միության` IFJ հաղորդագրությունը, համաձայն որի, 2018 թվականին աշխարհում մասնագիտական պարտականությունները կատարելիս զոհվել է 94 լրագրող: Ամենաշատ լրագրողներ զոհվել են Աֆղանստանում`16, Մեքսիկայում զոհվել է 11, Եմենում`9, Սիրիայում` 8 լրագրող: Մեկական լրագրող զոհվել է Ֆրանսիայում, Բուլղարիայում, Սլովակիայում, Թուրքիայում:
Ըստ IFJ-ի վերջին 28 տարում`1990-ից ի վեր աշխարհում սպանվել է ավելի քան 2500 լրագրող: Լրագրողների համար ամենավտանգավոր երկիրը Իրաքն է, այստեղ 28 տարում ավելի քան 300 լրագրող է սպանվել:
Իսկ Լրագրողներ առանց սահմանի կազմակերպության տվյալներով, այսօր աշխարհում ազատազրկված է 348 լրագրող:
Պատրաստեց` Նելլի ԳՐԻԳՈՐՅԱՆԸ
