Մեդիափորձագետ Տիգրան Քոչարյանի հետ զրույցում անդրադառնում ենք ֆեյքերի դեմ պայքարի, դրա հետևանքների թեմային։
-Հեղափոխությունից անցել է մեկ տարի։ Ինչպե՞ս կգնահատեք երկրում ստեղծված իրավիճակը։
-Ընդդիմադիր եղած ժամանակ Նիկոլ Փաշինյանն ու նրա շրջապատը բազմաթիվ քննադատություններով են հանդես եկել, բազմաթիվ խոստումներ են տվել՝ իմ կարծիքով, նույնիսկ չսպասելով, որ պահի տակ իրենք կարող են հայտնվել իշխանության ղեկին և պետք է դուրս գան իրենց քննադատությունների ու խոստումների տակից։ Հիմա մարդիկ եկել են պետական ապարատ, շատերը չեն հասկանում՝ ուր են ընկել և ինչ են անում, շատերը հասկացել են, որ իրենց խոստումները կամ քննադատությունը ժամանակին այնքան էլ ճիշտ չեն եղել։ Այսօր որևէ գլոբալ առաջընթաց, թռիչք մենք չունենք։ Նաև այնպիսի տպավորություն է, որ իշխանությունում գտնվող մարդկանց մեծամասնությունը չունի հստակ ռազմավարական պլան, թե ինչպես պետք է պետությունն առաջ ընթանա։ Ես դրական տեղաշարժեր չեմ տեսնում, գլոբալ անկումներ էլ չկան, բայց մի բան երևում է. իշխանությունում եղած մարդիկ ավելի շատ կենտրոնացած են PR-ի, ռեյտինգամոլության, քան իրական քայլեր կատարելու վրա։ Ես համաձայն չեմ այն մտքի հետ, թե 30 տարի քանդել են, և մեկ տարում հնարավոր չէ ինչ-որ բան անել։ Ոչ, մեկ տարում հնարավոր է անել երևացող որոշակի քայլեր։ Մենք ունեցել ենք վարչապետեր, որոնց պաշտոնավարումից մեկ տարի անց դրական տեղաշարժեր արձանագրվել են։ Մենք ժամանակի խնդիր ունենք. չենք կարող մեզ շռայլություն թույլ տալ և կես կամ մեկ տարի ոչինչ չանել։
Զրուցեց Սերգեյ ՍԱՂՈՒՄՅԱՆԸ
Կարդացեք նաև
Հոդվածն ամբողջությամբ՝ «Իրատես» թերթի այս համարում
