Ազգային ժողովի «Իմ քայլը» խմբակցության պատգամավորներ Քրիստինե Պողոսյանը եւ Արփի Դավոյանը Aravot.am-ի հետ զրույցում պատմում են, թե ինչպես են հեղափոխության օրերին գաղտնի գնացել թմբուկներ գնելու ու իրադարձությունների վայր տեղափոխելու: Նրանց այդ քայլն այսօր դարձել է կոմիքսի թեմա: Այսօր «Զանգակ» գրախանութում, որտեղ տեղի ունեցավ «Թավշյա հեղափոխություն» կոմիքս գրքի շնորհանդեսը, պատգամավորները նվեր ստացան իրենց թմբուկների կոմիքս նկարը:
Կարդացեք նաև
Ասում են՝ իրենցից մեծ թմբուկները, Ռայկոմ թաղամասից ոտքով են տարել մինչեւ քաղաքապետարան, քանի որ ճանապարհները փակ է եղել: Նրանց խոսքով, ռիսկի են գնացել, քանի որ ոստիկանության նշանակետի տակ են եղել: Ներկայանալիս էլ կատակեցին՝ «պոտենցիալ քաղբանտարկյալներ, ներկայիս պատգամավորներ»:
Մանրամասները տեսանյութում
Գիրքը պատմում է Հայաստանում մեկ տարի առաջ տեղի ունեցած դեպքերի մասին: Գրքում գործող կերպարների՝ Նիկոլ Փաշինյանի, Արարատ Միրզոյանի, Արայիկ Հարությունյանի եւ այլոց հետ զրույցներ են՝ գործողությունների ընթացքում արված ուղիղ հեռարձակումների հիման վրա։ Գիրքը մի քանի հատորանի է: Առաջին հատորում ամփոփված են մինչեւ ապրիլի 16-ի իրադարձությունները:
Միջոցառմանը ներկա վարչապետի տիկնոջ՝ Աննա Հակոբյանի եղբոր՝ ԱԺ պատգամավոր Հրաչյա Հակոբյանի խոսքով, կարեւոր է, որ գրքում իրադարձությունները սկսվում են 2008 թվականից, այսինքն, ըստ պարոն Հակոբյանի, հեղափոխությունը սկսվել է 2008-ի մարտից:
Մանրամասները տեսանյութում
Լուսինե ԲՈՒԴԱՂՅԱՆ
