«Բնականաբար, մեկ օրը երբեք բավարար չի՝ քաղաքացի կրթելու համար: Սա պարզապես այն նպատակով է, որպեսզի շեշտվի քաղաքացու դերը: Համոզված եմ, որ տարվա բոլոր օրերին էլ կարիք կա, որպեսզի քաղաքացին օգտագործի իր բոլոր հնարավորությունները»,-լրագրողների հետ ճեպազրույցում այսօր անդրադառնալով փաստին, որ այսօր ՀՀ-ն առաջին անգամ նշում է Քաղաքացու օրը, ասաց ՀՀ Անվտանգության խորհրդի քարտուղար Արմեն Գրիգորյանը:
«Ինձ համար կատարյալ է այն քաղաքացին, որը խոսում է խնդիրների մասին եւ ակտիվ է, փորձում է վերահսկել եւ պահանջատեր լինել իշխանության հանդեպ»,-համոզմունք հայտնեց Արմեն Գրիգորյանը:
ՀՀ-ում այսօր առաջին հակակոռուպցիոն դպրոցի բացման արարողության ժամանակ էլ Արմեն Գրիգորյանը շեշտեց, որ Քաղաքացու օրը նշելը հիմնավոր պատճառ ունի. «Նախորդ տարվա իրադարձությունների ընթացքում քաղաքացին ունեցել է ամենակարեւոր դերը: Այդ փոփոխությունը (նկատի ունի՝ Սերժ Սարգսյանի հրաժարականը.-խմբ.) հնարավոր չէր լինի, եթե քաղաքացիներն ակտիվ չմասնակցեին: Որքան էլ ես, Լենա Նազարյանը կամ մյուս մասնակիցները քայլեր ձեռնարկեինք, մենք հաջողության չէինք հասնի, եթե չլիներ քաղաքացին»:
Կարդացեք նաև
Ուղիղ։ ՀՀ անվտանգության խորհրդի քարտուղար Արմեն Գրիգորյան
Gepostet von Aravot am Freitag, 26. April 2019
Լուիզա ՍՈՒՔԻԱՍՅԱՆ