Քաղաքացու օրվա առիթով ՀՀ արտաքին գործերի նախարար Զոհրաբ Մնացականյանն այսօր Մաշտոցի պուրակում էր և մասնակցում էր «Իրազեկ քաղաքացի» խորագրով հանրային քննարկմանը։
Պարոն Մնացականյանն ասաց, որ մեկ տարի անց նկատել է, որ ազատության զգացումը նոր սերնդի մեջ ավելի հզոր է դարձել և իր համար կարևոր է, որ քաղաքացին ինքն է տերն իր բարեկեցության ու պահանջում է, որ պետությունն ապահովի այն։
Մանրամասները` տեսանյութում
Կարդացեք նաև
Կոնսերվատորիայի ռեկտորի պաշտոնակատար Սոնա Հովհաննիսյանը, որը նույնպես ներկա էր այս քննարկմանը, կարծիք հայտնեց, որ մշակույթի գործիչները, ինչպես և մնացած մարդիկ, իրավունք ունեն խոսելու և չխոսելու, իրավունք ունեն ակտիվ լինել և իրավունք ունեն պասիվ լինել։ Նրա խոսքով, նրանք պարտավոր չեն կանգնել ինչ-որ մեկի կողքին` լինի ժողովուրդ, իշխանություն թե մեկ այլ ուժ. «Իհարկե հեղափոխութունն արեցին ակտիվները, իհարկե դա իրագործվեց և կայացավ երիտասարդ և շատ նպատակաուղղված շերտի միջոցով, բայց այսօր սկսված է մեկ այլ էտապ, որտեղ ակտիվությունը պետք է մեկ այլ դրսևորում ունենա»։
Տիկին Հովհաննիսյանի խոսքի մանրամասները` տեսանյութում
Լուսինե ԲՈւԴԱՂՅԱՆ
