Լրահոս
Օրվա լրահոսը

Իլյիչի տեղում՝ կարաս

Հունիս 15,2019 14:00

Հանրապետության հրապարակում Իլյիչի արձանի տեղը երկար ժամանակ թափուր էր: Ինչպես ասում են՝ «սուրբ տեղը դատարկ չի մնում»: Եւ այս «սուրբ տեղում» տարիներ առաջ խաչ էին տեղադրել, հետո՝ մեծադիր մեծ էկրան:

Ու էլի երկար ժամանակ արձանի տեղը դատարկ էր: Մի ժամանակ էլ նոր արձանի համար մրցույթ էր հայտարարվել, հայտ ներկայացրած նախագծերից մեկով անգամ եկեղեցի էին առաջարկել կառուցել:

Օրերս էլ Լենինի, նույն Իլյիչի արձանի տեղը կարասներ են տեղադրել: Մայրաքաղաքի գլխավոր հրապարակում կարաս տեղադրելը լավ է, թե՝ վատ, մասնագետները գնահատական կտան, բայց օրինակ զբոսաշրջիկները, տեղացիները կարասի մոտ կամ վրան նստած լավ էլ նկարվում են:

Ինչո՞ւ կարաս, անհասկանալի է. եթե քաղաքապետարանը փորձել է դիզայներական գործ անել, ապա այստեղ անգամ երեւակայություն գործի չեն դրել՝ մի նոր ու հետաքրքիր լուծում գտնելու համար: Հիմա կարասներ ամեն մի հացատան, ուտել-խմելու օբյեկտների բակերում էլ կան:

Լուսանկարները՝ ՆԵԼԼԻ ԲԱԲԱՅԱՆԻ

«Առավոտ» օրաթերթ, 

14.06.2019

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2019
Երկ Երե Չոր Հնգ Ուրբ Շաբ Կիր
« Մայիս   Հուլ »
 12
3456789
10111213141516
17181920212223
24252627282930