Վաշինգտոնում՝ Թուրքիայի դեսպանատունն ամենաբարձր մակարդակով նախաձեռնել է մոբիլիզացման արշավ՝ ընդդեմ ԱՄՆ Ներկայացուցիչների պալատի 296 բանաձևի, որը ճանաչում է Հայոց ցեղասպանությունը:
Ուղերձը պարզ է՝ «Սպանեք բանաձևը, որը ճանաչում է հայոց ցեղասպանությունը»:
Թուրքական կազմակերպությունները սկսել են իրենց անդամներին նամակներ ուղարկել՝ նրանց հորդորելով անհապաղ մոբիլիզացվել ընդդեմ բանաձևի, այն անվանելով «ատելության օրենսդրություն»:
Ներկայացուցիչների պալատի դեմոկրատները, որոնք մեծամասնություն են կազմում, հավանական է, որ հոկտեմբերի 31-ին վավերացնեն Հայոց ցեղասպանությունը ճանաչող բանաձևը։ Ներկայացուցիչների պալատի կանոնադրության հանձնաժողովը ամենայն հավանականությամբ կհայտարարի, որ քննարկում է բանաձևը ընդունելու հավանականությունը: Քվեարկությունից առաջ սա վերջնական պաշտոնական ընթացակարգն է:
Կարդացեք նաև
Ստորև ամբողջությամբ հրապարակում ենք Թուրքիայի դեսպանատան ուղերձը ուղղված թուրք-ամերիկացիներին. «Հորդորեք Կոնգրեսին ընդդիմանալ ԱՄՆ Ներկայացուցիչների պալատի 296 բանաձևին՝ Թուրքիայի ժառանգությանը քրեական դատապարտման ենթարկող օրենսդրությանը, բողոքի նամակ գրեք ձեր պատգամավորին:
2019-ի ապրիլի 8-ին Ադամ Շիֆը օգնեց հայ-ամերիկյան համայնքի ազգայնական տարրերին՝ ներկայացնելով թիվ 296 բանաձևը, որը օրենսդրական հիմք է ստեղծում, Թուրքիային և ամերիկացի-թուրքերին ցեղասպանության մեջ դատապարտելու համար, այն դեպքերի համար, որոնք հարյուր տարի առաջ՝ առաջին համաշխարհային պատերազմի ընթացքում տեղի են ունեցել օսմանյան կայսրությունում:
296 բանաձևը առաջին քայլն է զանգվածային ակցիաների, որոնց նպատակն է անցյալից եկած հսկայական պահանջների հետապնդումը և հողային պահանջների վերականգնումը։ Սա ուղղված է ոչ միայն Թուրքիայի, այլև Թուրքիայի քաղաքացիների դեմ:
Այժմ բանաձևը Ներկայացուցիչների պալատում ունի 113 հովանավոր, որոնց մեծ մասը գալիս են Կալիֆոռնիայից, Նյու Յորքից, Նյու Ջերսիից և Մասաչուսեթսից, որտեղ ագրեսիվ հայկական լոբբին զբաղվում է պատմության իր ուղղափառ տեսակետի պարտադրմամբ:
Մինչ զգացմունքներն իրենց զենիթի մեջ են, Ադամ Շիֆը և պալատի խոսնակ Նենսի Փելոսին շահարկում են առկա հանգամանքները՝ հաջորդ շաբաթ խորհրդարանում 296 բանաձևը քվեարկության դրնելու համար։
Մեր կողմից կցված նամակները ուղարկեք այն կոնգրեսականներին, որոնք համատեղ ստորագրում են բանաձևը, նաև կոնգրեսի այլ անդամներին:
Խնդրում ենք չսպասել: Խնդրում ենք անմիջապես դեմն առնել ատելության մասին օրենքի»:
Մինչդեռ Կանոնադրության հանձնաժողովի նախագահ, Մասաչուսեթս նահանգի դեմոկրատական կուսակցության ներկայացուցիչ Ջիմ Մաք Գավրնը՝ նշելով, որ Ուորչեստրի շրջանում է Միացյալ Նահանգների ամենահին հայկական համայնքը, հայտարարել է. «Ես հպարտ եմ, որ Կանոնադրության հանձնաժողովը կքննարկի այդ բանաձևը։ Ցեղասպանության չճանաչումը բիծ է մարդու իրավունքների արժեքամակարգի վրա և շատ սխալ ուղերձ է ուղարկում ամբողջ աշխարհում մարդու իրավունքները ոտնահարողներին»:
Հայաստանի Ժողովրդական Շարժում
Մեր ամենամեծ թերությունը մեր միամտությունն է՝սպասելիքներ ունենալով ԱՄՆ կողմից ցեղասպանությունը ընդունելուց,բայց մոռանում ենք,որ թուրքերը ամեն այդպիսի դեպքի համար ունեն իրենց կարտ-բլանշը՝համոզելու ԱՄՆ նախագահին չընդունել այդ բանաձևը:Օրինակ ռուսական C 400 ից հրաժարումը,կամ ռուսաստանի հետ հարաբերությունների սառեցումը,միջուկային գլխիկներով հրթիռների վերադարձումը և այլն…:Իսկ մենք միշտ կհայտնվենք հիասթափվածների շարքում…