«Արցախի հարցով կային մի քանի կետից բաղկացած սկզբունքներ`Արցախը չի կարող Ադրբեջանի կազմում լինել, անգամ ամենաբարձր կարգավիճակով, Հայաստանի հետ ցամաքային կապ պետք է ունենա եւ այլն եւ Ադրբեջանը դրանք հստակ գիտեր: Այսօր ունենք պահի տակ արված էմոցիոնալ հայտարարություն, որ Արցախը պետք է վերադառնա բանակցությունների սեղան, որը հետո մոռանում ենք, կամ ստիպում են, որ մոռանանք ու չենք պնդում: Նաեւ ունենք «Ղարաբաղի ադրբեջանական համայնքի»`բանակցություններին մասնակցության տարբերակը, որը անթույլատրելի է եւ ինչի մասին խոսեց Արցախի նախագահ Բակո Սահակյանը`ՀՀ եւ ԱՀ անվտանգության խորհուրդների վերջին համատեղ նիստում»,- «Առավոտի» հետ զրույցում ամփոփելով 2019 թվականն՝ ասաց ԱԺ պետաիրավական հարցերի հանձնաժողովի նախկին նախագահ, ՀՀԿ խորհրդի անդամ Հովհաննես Սահակյանը:
Նրա կարծիքով, միջազգային հանրությունը սպասում է Արցախի եւ Ադրբեջանի ընտրություններին: Վերջինս, ի դեպ, մեր զրուցակցի համար անընդունելի է, քանզի տարիների իր աշխատանքի փորձից գիտի, որ Ադրբեջանի պառլամենտը որեւէ կերպ չէր կարող խոչընդոտել «ալիեւյան» գործընթացներին եւ Ադրբեջանում պառլամենտի լուծարումը, նոր ընտրությունների անցկացումը արհեստական է համարում ու անհանգստացնող:
Փետրվարի վերջին, մարտի սկզբին, նա կարծում է լուրջ զարգացումների ականատեսը կլինենք. «Եվ եթե մինչ այդ ժամանակ, ՀՀ իշխանությունը չհստակեցնի իր մոտեցումը եւ հստակ շեշտադրումներով չասի իր մոտեցումները, 2020-ը, գոնե այդ մասով, շատ պայթյունավտանգ եւ անորոշ կլինի»: Եթե ուղերձները հստակ չլինեն, Հովհաննես Սահակյանը արտահերթ ընտրությունները անխուսափելի է համարում:
Կարդացեք նաև
Կարդացեք տպագիր «Առավոտի» այսօրվա համարում
Դուք 3 նախագահների կլանային համակարգով՝ անտեսեցիք Սումգաիթից սկսած 2016թ-ի ապրիլյանով վերջացրած՛ թուրքի պահվածքը:Վախի մթնոլորտ ստեղծելով ժողովրդի մոտ՝ երկիրը թալանելով գործած մեղքերի պատճառով կանգնել եք փաստի առաջ: Գուշակություններով մի զբաղվեք՛ մտածեք մեր երկրի կենսական նշանակություն ունեցող ճյուղերի զարգացման նախադրյալների համար: