«Բողոքներ եմ ստացել ոչ միայն Աչաջրից, այլեւ հարակից բնակավայրերից՝ Պառավաքարից մինչեւ Բարեկամավան: Տեղի բնակիչները սպասարկվում են Աչաջրի առողջության կենտրոնում: Նրանք դեմ են առողջության կենտրոնի փակմանը»,-Aravot.am-ի հետ զրույցում անդրադառնալով Տավուշի մարզի Աչաջուր համայնքի ծննդատան փակմանը՝ ասաց «Լուսավոր Հայաստան» խմբակցության պատգամավոր Սարգիս Ալեքսանյանը:
Հիշեցնենք, որ ՀՀ տասնյակ համայնքներում, այդ թվում՝ Մարալիկում, Եղվարդում եւ Աչաջրում դադարեցվել է ծննդատան ծառայությունների ֆինանսավորումը: Առողջապահության նախարարությունը պարզաբանել է, թե ինչու նպատակահարմար չէ ֆինանսավորել այդ համայնքների ծննդատների գործունեությունը:
«Նրանք պնդում են, որ Աչաջրի առողջության կենտրոնի գործունեությունը որեւէ խնդիր չի առաջացրել բնակչության շրջանում, նորմալ գործել է: Առողջության կենտրոնի աշխատակիցների խնդիրը կարծես թե լուծված է, նրանք կտեղափոխվեն այլ հաստատություններ, բայց մարդիկ նշում են, որ կենտրոնի գոյությունը ռազմավարական նշանակություն ունի սահմանամերձ բնակավայրերի համար»,-շեշտեց Սարգիս Ալեքսանյանը:
Մանրամասն՝ տեսանյութում
Կարդացեք նաև
Լուիզա ՍՈՒՔԻԱՍՅԱՆ
