ԱՄՆ Հայ Դատի հանձնախումբն ԱՄՆ պետքարտուղար Մայքլ Պոմպեոյին կոչ է արել Կոնգրեսի կողմից հաստատված՝ Հայաստանին հասցեագրված օգնության փաթեթից 25 միլիոն դոլարը վերաբաշխել նոր կորոնավիրուսի համավարակի դեմ պայքարի համար: Այս մասին հաղորդում է հանձնախմբի կայքը:
Պետդեպարտամենտին ուղարկված նամակում ԱՄՆ Հայ Դատի հանձնախմբի նախագահ Րաֆֆի Համբարյանը շնորհակալություն է հայտնել` նախնական 1.1 միլիոն ԱՄՆ դոլարի շտապ օգնության հատկացման համար:
Համբարյանը նաև հիշեցրել է, որ մի քանի օր առաջ Եվրամիությունը հայտարարել է ընթացիկ ֆոնդերից 33 միլիոն եվրոյի վերաբաշման մասին` օգնելու համար Հայաստանին պայքարել COVID-19-ի դեմ և ընդգծել, որ Հայաստանին հատկացվելու է նաև հավելյալ 18 միլիոն եվրո` բժշկական սարքեր ձեռք բերելու, փոքր և միջին բիզնեսին աջակցելու համար:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
