Վրաստանում վաղվանից արգելվում են հարսանիքները, հոգեհանգստի և այլ զանգվածային միջոցառումները։ Երկրում կորոնավիրուսի համաճարակով պայմանավորված իրավիճակի վատթարացման պատճառով որոշում է կայացվել խստացնել սահմանափակումները։ Ինչպես փոխանցում է «Սպուտնիկ»-ը, այս մասին հայտնել է Վրաստանի կառավարության աշխատակազմի ղեկավար Նաթիա Մեզվրիշվիլին։
«Մի քանի օր առաջ մենք հայտնել էինք սահմանափակումները վերացնելու և թատրոնների ու կինոթատրոնների բացման մասին, սակայն, հաշվի առնելով երկրում համաճարակային իրավիճակը, որոշում է կայացվել այդ օբյեկտների, ինչպես նաև մանկական ժամանցային կենտրոնների վերաբացումը հետաձգել մեկ ամսով»,- ասել է Մեզվրիշվիլին։
Հիշեցնենք, որ նախօրեին Վրաստանում մեկ օրում կորոնավիրուսով վարակման ռեկորդային՝ 45 դեպք էր գրանցվել, որոնց մեծ մասը՝ մերձսևծովյան Աջարիայում, որտեղ հանգստացողների մեծ հոսք էր նկատվում վերջին մեկ ամսվա ընթացքում։
Բացի այդ, սեպտեմբերի 10-ից Վրաստանում կարգելվեն հարսանիքներ, ծննդյան և այլ ծիսակարգային արարողությունները։
Կարդացեք նաև
Հանրային միջոցառումների անցկացումն արգելվում է ինչպես փակ, այնպես էլ բաց տարածքում։
Պատրաստեց Վիկտորյա ԱՆԴՐԵԱՍՅԱՆԸ
