«ԲՀԿ եւ «Լուսավոր Հայաստան» խմբակցության պատգամավորները օրենքի ուժով կարող են այցելել բերման ենթարկվածներին»,- քիչ առաջ ԱԱԾ-ի շենքի մոտ լրագրողներին ասաց ԲՀԿ խմբակցության քարտուղար Արման Աբովյանը՝ հավելելով. «Առայժմ ճշտում ենք ում են բերման ենթարկել, ԱԺ պատգամավորներն իրավունք ունեն այցելել»:
Հարցին՝ կա՞ ձերբակալման որոշում, թե՞ ոչ՝ Արման Աբովյանը պատասխանեց, որ այս լարված իրավիճակում ձեռնպահ կմնա մեկնաբանություններ անելուց:
Միեւնույն ժամանակ Աբովյանը տեղեկացրեց. «ԲՀԿ եւ «Լուսավոր Հայաստան» խմբակցությունների կողմից նախաձեռնված նիստը չկայացավ: Չկայացավ նաեւ խորհրդի նիստը, որտեղ չէին ներկայացել մեծամասնության պատգամավորները եւ մենք բոլոր հնարավոր եւ անհնարին իրավական միջոցները փորձում ենք օգտագործել՝ այս իրավիճակը տրամաբանական հանգուցալուծման բերելու: Իշխանությունները փորձում են հակաիրավական ու հակաօրինական բաներ գտնեն, որ բոլորիս վրա ճնշում գործադրեն»:
Հիշեցնենք, որ ԱԱԾ-ում են ԲՀԿ առաջնորդ Գագիկ Ծառուկյանը, «Հայրենիք» կուսակցության նախագահ Արթուր Վանեցյանը, ՀՅԴ ԳՄ ներկայացուցիչ Իշխան Սաղաթելյանը, ՀՅԴ անդամ Գեղամ Մանուկյանը, ինչպես նաեւ «Մեկ Հայաստան» կուսակցության նախագահ Արթուր Ղազինյանը:
Կարդացեք նաև
Հռիփսիմե ՋԵԲԵՋՅԱՆ
