Միջազգային մամուլը շարունակում է անդրադառնալ Լեռնային Ղարաբաղում պատերազմի և խաղաղության ռիսկերին:
Ամերիկյան «The Washington post» պարբերականի «Լեռնային Ղարաբաղի հայկական ուժերը սգում են պարտված պատերազմը, բայց կասկածում են, որ խաղաղությունը տևական է լինելու» վերնագրով հոդվածում խոսվում է այն մասին, որ կարճ, բայց դաժան պատերազմի պարտվող կողմում տարածքի կորուստը այնքան դառն է ընկալվում, որ ոմանք ասում են, թե կնախընտրեին պատերազմել:
Պարբերականը, միևնույն ժամանակ, հիշեցնում է Ռուսաստանի նախագահ Վլադիմիր Պուտինի նախազգուշացումը Հայաստանին, որ զինադադարի միակ այլընտրանքը կլինի մեկ այլ «ինքնասպանության» պատերազմ:
«Եթե ինձնից կախված լիներ, մենք հրադադար չէինք ունենա: Մենք կանգնած կլինեինք մինչև վերջ և հաղթող կլինեինք»,-թերթի հետ զրույցում ասել է 48-ամյա Սերյան Կարապետjանը՝ շինարար, բանվոր և 90-ականների պատերազմի վետերան, որը նույնպես կռվել է Շուշիում:
Կարդացեք նաև
Պարբերականի փոխանցմամբ՝ Ադրբեջանին հանձնված բնակավայրերի բնակիչներից շատերը հավատում են կամ գոնե հույս ունեն, որ մի օր կվերադառնան իրենց տներ:
«Հրադադարը երկար չի տևի», -ասել է պատերազմի վետերան Պավել Մակունյանը, որը մարտերն ավարտելուց հետո Ասկերանի մոտակայքում առաջնագծի դիրքերից իջեցրել է իր 150 կամավոր զինվորներից բաղկացած խումբը:
«Մենք տասնամյակներ պայքարել ենք և դեռ պայքարելու ենք», – ավելացրել է նա. «Միգուցե ոչ այսօր, բայց վաղը»:
Նյութն ամբողջությամբ՝ սկզբնաղբյուր կայքում
