Լոս Անջելեսում տեղի է ունեցել «Ոսկե գլոբուս» հեղինակավոր կինոմրցանակաբաշխության արարողությունը:
Այս տարի միջոցառումը տեղի է ունեցել լիարժեք փակ ռեժիմով. ոչ միայն կարմիր գորգ չի եղել (անգամ վիրտուալ), այլ ուղիղ հեռարձակում չի իրականացվել: Միջոցառմանը ներկա են եղել Արտասահմանյան մամուլի հոլիվուդյան ասոցիացիայի մի քանի անդամներ, իսկ արդյունքները մրցանակաբաշխության կազմակերպիչները հայտարարել են սոցցանցերում:
NBC հեռուստաալիքը, որն ամեն տարի ցուցադրում էր մրցանակաբաշխությունը, այս տարի հրաժարվել էր հեռարձակումից 2021թ. մայիսին մրցանակաբաշխության շուրջ սկսված սկանդալից հետո: Los Angeles Times-ի թղթակիցները պարզել էին, որ Արտասահմանյան մամուլի հոլիվուդյան ասոցիացիայում, որը պատասխանատու է հաղթողների ընտրության համար, որևէ սևամորթ ներկայացուցիչ չկա: Այդ տեղեկությունը վրդովմունքի ալիք էր բարձրացրել. բազմաթիվ դերասաններ, ռեժիսորներ, ինչպես նաև Netflix-ը և Amazon-ը բոյկոտել էին մրցանակաբաշխությունը, իսկ Թոմ Կրուզը կազմակերպիչներին էր վերադարձրել իր երեք «գլոբուսները»:
Ուիլլ Սմիթը «Ռիչարդ թագավոր» ֆիլմում
Եվ այսպես, մրցանակների թվով առաջատարները Ջեյն Քեմփիոնի «Շան իշխանությունը» ֆիլմն է և «Ժառանգները» սերիալը. հենց նրանք էլ ստացել են գլխավոր մրցանակները: Լավագույն դրամատիկական դերասաններ են ճանաչվել Ուիլլ Սմիթը «Ռիչարդ թագավոր» ֆիլմում մարմնավորած դերի համար և Նիկոլ Քիդմանը «Լինել Ռիկարդո» ֆիլմում իր դերի համար: Զարմանալի է, որ Դենի Վիլնյովի «Դյունա» ֆիլմը հաղթել է միայն մեկ անվանակարգում՝ «Լավագույն սաունդթրեք» (Հանս Ցիմեր):
Կարդացեք նաև
Բոլոր անվանակարգերում հաղթողների ցանկը՝ ստորև.
Ֆիլմ
Լավագույն ֆիլմ – «Շան իշխանությունը»
Լավագույն դերասանուհի ֆիլմում – Նիկոլ Քիդման («Լինել Ռիկարդոն»)
Լավագույն դերասան ֆիլմում- Ուիլլ Սմիթ («Թագավոր Ռիչարդ»)
Լավագույն մյուզիքլ կամ կոմեդիա – «Վեսթսայդ պատմություն»
Լավագույն օտարերկրյա ֆիլմ – «Վարիր իմ մեքենան»
Լավագույն սցենար – Քեննեթ Բրանա («Բելֆասթ»)
Լավագույն դերասան մյուզիքլում կամ կոմեդիայում – Էնդրյու Հարֆիլդ («Տըկ, տըկ… բում»)
Լավագույն դերասանուհի մյուզիքլում կամ կոմեդիայում – Ռեյչել Զեգլեր («Վեսթսայն պատմություն»)
Երկրորդ պլանի լավագույն դերասան – Քոդի Սմիթ-Մաքֆի («Շան իշխանությունը»)
Երկրորդ պլանի լավագույն դերասանուհի – Արիանա ԴեԲոս («Վեսթսայդ պատմություն»)
Լավագույն անիմացիոն ֆիլմ – «Էնկանտո»
Լավագույն օրիգինալ սաունդթրեք – Հանս Ցիմեր («Դյունա»)
Լավագույն երգ – Բիլլի Այլիշ – No Time to Die («Մեռնելու ժամանակը չէ»)
Հեռուստատեսություն
Լավագույն սերիալ – «Ժառանգները»
Լավագույն դերասան սերիալում – Ջերեմի Սթրոնգ («Ժառանգները»)
Լավագույն դերասանուհի դրամատիկական սերիալում – ԷմՋեյ Ռոդրիգես («Դիրք»)
Լավագույն սերիալ (մյուզիքլ կամ կոմեդիա) – «Խորամանկություններ»
Լավագույն հեռուստաֆիլմ, սերիալ կամ մինի-սերիալ – «Ստորգետնյա երկաթուղի»
Լավագույն դերասան մյուզիքլում կամ կոմեդիայում – Չեյսոն Սուդեյկիս («Թեդ Լասսո»)
Լավագույն դերասանուհի մյուզիքլում կամ կոմեդիայում – Ջին Սմարթ («Խորամանկություններ»)
Լավագույն դերասան հեռուստաֆիլմում, սերիալում կամ մինի-սերիալում – Մայքլ Քիթոն («Լոմկա»)
Լավագույն դերասանուհի հեռուստաֆիլմում, սերիալում կամ մինի-սերիալում – Քեյթ Ուինսլեթ «Մեյրը Իսթթաունից»)
Երկրորդ պլանի լավագույն դերասան – Օ Յոն-սու («Կաղամարի խաղ»)
Երկրորդ պլանի լավագույն դերասանուհի – Սարա Սնուք («Ժառանգները»)
Պատրաստեց Վիկտորյա ԱՆԴՐԵԱՍՅԱՆԸ
