«Երբ Սերժ Սարգսյանն ասում է՝ մենք իշխանության չենք հավակնում, մենք ձեզ չենք խաբում. մենք ուզում ենք նորմալ իշխանություն՝ երկրի համար»,- իր Տելեգրամ ալիքում այսօր ուղիղ եթերում պատասխանելով հարցերին, ասաց ՀՀԿ փոխնախագահ Արմեն Աշոտյանը:
Իր գնահատմամբ, եթե 2020 թվականի նոյեմբերի 9-ին Նիկոլ Փաշինյանը «թասիբ» ունենար եւ հրաժարական տար, «լիքը բան հնարավոր էր պահել». օրինակ, ռազմագերիներին ետ բերել, պահել Ջրականի այն հատվածը, որը դուրս էր գալիս Գորիս-Կապան ճանապարհի այն հատվածին, որտեղ այսօր ադրբեջանական հենակետ է դրած: Արմեն Աշոտյանը համոզված է, եթե այսօր էլ Նիկոլ Փաշինյանը գնա, դեռ հնարավոր է որոշ բաներ շտկեր. «Իր գնալով ինքն իր հետ կտանի բոլոր խոստումները, որոնք տվել է Ալիեւին, Էրդողանին, Բրյուսելում եւ այլն: Հայաստանը 6-8 ամիս ժամանակ է շահելու, աշխարհն արագ է փոխվում»:
Ի դեպ, Արմեն Աշոտյանը մտահոգված է ՌԴ-ի՝ ԵԽ-ից դուրս գալու փաստով, եթե ՌԴ-ն դուրս եկավ նաեւ ԵԱՀԿ-ից, ապա «ՄԽ-ի ներկայիս ձեւաչափի վրա դրվում է մեծ տապանաքար»:
Նելլի ԳՐԻԳՈՐՅԱՆ
