«Էնքան եմ ուրախացել, որ էդ «Մալբրի» համակարգը դրել ենք, որ բացելու եմ, նայեմ՝ կարգադրությունը որտեղ է հասել, ում սեղանին, ով չի պատասխանել, երբ է պատասխանել»,-այսօր Երեւանի քաղաքապետարանում գործակարգավարական խորհրդակցության ժամանակ ասաց քաղաքապետ Հրաչյա Սարգսյանը, երբ տարբեր հարցերի զեկուցման ժամանակ պատասխանատուները վստահեցնում էին, թե ուրբաթ օրը համապատասխան փաստաթուղթը, կարգադրությունները էլեկտրոնային եւ թղթային տարբերակով ուղարկել են, սակայն հասցեատերերը գործակարգավարականի ժամանակ ասում էին՝ կստուգեմ, կպատասխանեմ։
Քաղաքապետն ասաց, որ «Մալբրի» համակարգով ստուգելու է, թե տվյալ փաստաթուղթն ինչ ընթացք է ստանում․ «5 րոպեում երեւալու է՝ ով է աշխատում, ով չի աշխատում, ու էդ, իհարկե, իր հետեւանքն է ունենալու»:
Նելլի ԲԱԲԱՅԱՆ
