Ռուբեն Վարդանյանն «Արմենիա» հեռուստաընկերությանը տված հարցազրույցում անդրադարձել է իր նախորդ հարցազրույցներից մեկում բերված Թաթարստանի օրինակին
Մի կողմից՝ ես շնորհակալ եմ և ուրախ եմ, որ իմ վերջին հարցազրույցը լայն արձագանք ունեցավ, և տարբեր սոցիալական ցանցերում քննարկումներ եղան։ Ուզում եմ ասել, որ առաջնորդների ամենակարևոր հատկանիշներից մեկը պատասխանատվություն վերցնելն է, ազնիվ լինելն ու խոսելը ոչ թե այն մասին, ինչ մարդիկ ուզում են լսել, այլ այն մասին, ինչ, կարծում ես, կարևոր է քո ազգին օգնելու համար։ Նորից եմ ուզում ասել, եթե մենք ուզում ենք մեր անկախությունը պահպանել, ուղղակի չպետք է նստենք ու սպասենք, որ ինչ-որ մեկը մեզ համար ինչ-որ բան անի։ Եթե մենք ոչինչ չանենք, կկորցնենք մեր անկախությունը: Եթե մենք ոչինչ չանենք, կդառնանք Ռուսաստանի մի մաս, ընդ որում՝ ոչ թե Թաթարստանի նման, այլ՝ Ռուսաստանի մի աղքատ մաս: Եթե ոչինչ չանենք՝ անկախությունը չենք կարողանա պահպանել: Անկախությունը բազմոցին նստելով չեն պահպանում, անկախությունը պահպանում են գործերով։
Եվ ես վստահ եմ, ինչպես ասացի այդ հարցազրույցում, որ մեր անկախությունը պահպանելու համար մենք պետք է ամեն ինչ անենք՝ միանալով, համախմբվելով. անկախություն պաշտպանելը միայն քննադատելով չէ, գործ անելով է։
Վերջին քսան տարվա ընթացքում մենք Նուբարի, մեր ընկերների հետ միասին ամեն ինչ անում էինք, որ անկախությունը իսկապես դառնա իրականություն։ Եվ մենք շարունակելու ենք անել, չնայած ամեն դժվարության, որ սպասվում է մեզ թե՛ ներսում, թե՛ դրսում։ Որովհետև մենք գիտենք, որ ինչ անում ենք, անում ենք ազնիվ՝ սիրելով մեր հայրենիքը, սիրելով մեր ազգը, և մենք շարունակելու ենք այդպես մինչև մեր կյանքի վերջը։
Կարդացեք նաև
Ռուբեն Վարդանյան
