Հայաստանում Եվրոպական միության պատվիրակությունը և «Գործընկերություն հանուն բաց հասարակության» նախաձեռնությունը կազմակերպել են ՀՀ-ԵՄ միջև Համապարփակ և ընդլայնված գործընկերության համաձայնագրի (ՀԸԳՀ) քաղաքացիական հասարակության համատեղ մշտադիտարկման արդյունքների ներկայացման երկրորդ հանդիպումը։
ՀԸԳՀ քաղաքացիական հասարակության համատեղ մշտադիտարկումն իրականացվել է քաղաքացիական հասարակության մի խումբ ներկայացուցիչների և «Գործընկերություն հանուն բաց հասարակության» նախաձեռնության անդամների կողմից։ Ներկայացմանն ու քննարկմանը մասնակցել են հայաստանյան ՔՀԿ-ները, ԵՄ անդամ պետությունները և միջազգային կազմակերպությունները։
Առաջին հանդիպման թիրախում են եղել արդարադատության ոլոտին և սահմանադրական բարեփոխումների վերաբերող թեմաներն ու ուղղությունները։ Երկրորդ հանդիպումը նվիրված էր սոցիալական արդարության խնդիրներին կրթության ոլորտում, սոցիալական պաշտպանության, աշխատանքային իրավունքների և ԵՄ «Կանաչ» օրակարգի իրականացման խնդիրներին։
Կարդացեք նաև
Հայաստանում ԵՄ պատվիրակության ղեկավարի տեղակալ Յան Պլեշինդերը վերստին հաստատեց, որ ԵՄ-ին և Հայաստանին անհրաժեշտ է կուռ, արդյունավետ, վստահելի, կայուն և հաշվետու քաղհասարակություն Հայաստանում՝ մշտադիտարկելու ՀԸԳՀ-ի իրականացումն ու ապահովելու իրեն վերապահված դերը։
ՀՀ-ում եմ պատվիրակություն
