Հունիսի 7-ից մեկնարկում են միասնական քննությունները: Ինչպես տեղեկացրեց ԳԹԿ մամուլի պատասխանատու Խաչանուշ Գրիգորյանը, Երևանում ու մարզերում գործելու են 15 քննական կենտրոններ: Առաջին քննությունը կենսաբանությունից և աշխարհագրությունից է: Կենսաբանություն հանձնելու համար հայտագրվել է 1635 դիմորդ (անցյալ տարի 1304-ն էին), իսկ աշխարհագրությունից՝ 127 (2021-ին՝ 176 էին):
Կենսաբանության եւ աշխարհագրության միասնական քննությանը գործելու է 15 քննական կենտրոն, 11-ը` մարզերում, 4-ը՝ Երեւանում: Մարզերում քննական կենտրոնները, որպես կանոն, մարզկենտրոններում են՝ մեկական: Միայն Կոտայքի մարզի քննական կենտրոնը Չարենցավանում է, իսկ Սյունիքում Կապանից բացի, քննական կենտրոն է գործելու նաև Գորիսում:
Երևանի թիվ 11 հիմնական դպրոցում կենսաբանությունից քննություն կհանձնի 140 դիմորդ, թիվ 190 ավագ դպրոցում`120 դիմորդ, մայրաքաղաքի թիվ 189 ավագ դպրոցում կենսաբանությունից քննություն կհանձնի 123 դիմորդ, իսկ թիվ 135 հիմնական դպրոցում կենսաբանությունից՝ 120, աշխարհագրությունից՝ 20 դիմորդ:
Կենսաբանություն եւ աշխարհագրություն առարկաների քննության տեւողությունը 3 ժամ է:
Կարդացեք նաև
Գոհար ՀԱԿՈԲՅԱՆ