Լրահոս
Օրվա լրահոսը

«Ստացվում է, որ Բերձորի, Աղավնոյի եւ Սուսի հանձնումը համաձայնեցվել է ՀՀ իշխանության հետ»․ պատգամավոր

Հունիս 30,2022 22:30

«Ինչո՞ւ է Բերձորի, Աղավնոյի եւ Սուսի հարցը խաղաղ հանձնման միջոցով կարգավորվում։ Չլինի այնպես, որ վաղը չէ մյուս օրն Ադրբեջանը հավակնություններ ասի Սյունիքի հանդեպ, ու ստիպված ասենք՝ սյունեցիներին Երեւանում բնակարաններ եւ նպաստ կտանք»,-«Արցախի արդի մարտահրավերները․ Բերձորի հանձնում, նոր պատերա՞զմ» խորագրով հանրային-մասնագիտական քննարկման ժամանակ այսօր անդրադառնալով Բերձորի միջանցքն Ադրբեջանին զիջելու վտանգներին՝ ասաց ԱԺ «Պատիվ ունեմ» խմբակցության պատգամավոր Տիգրան Աբրահամյանը։

«Նոյեմբերի իննի եռակողմ հայտարարությունում գրված չէ, որ այլընտրանքային ճանապարհի կառուցումը ենթադրում է այդ երեք բնակավայրերի հանձնում։ Փաստացի ստացվում է, որ Բերձորի, Աղավնոյի եւ Սուսի հանձնումը համաձայնեցվել է ՀՀ իշխանության հետ։ Խայտառակություն է, երբ ՀՀ ղեկավարն անգամ չի հիշում, թե ինչ բնակավայրեր են հանձնվում։ Իրեն չի հետաքրքրում, հանձնելու բան լինի՝ կհանձնեն։ Անգամ թվերը չգիտի, թե քանի ընտանիք է ապրում Բերձորում եւ Աղավնոյում։ Մարդկանց թիվն ավելին է, քան ներկայացվում է։ Արցախի իշխանությունն էլ փորձում է թեման բերել ոչ թե նրան, որ հասարակությանը մատուցում են, թե պետք է սա մարսել, այլ թեման տանում են սոցիալական ուղղվածության դաշտ։ Մեր խնդիրն է՝ չտանել թեման հումանիտար դաշտ»,-շեշտեց Տիգրան Աբրահամյանը։

Հիշեցնենք, որ Ադրբեջանը Բերձորի միջանցքը շրջանցող նոր ճանապարհի կառուցումը հասցնում է ավարտին։ Բերձորի միջանցքի հայաթափման վերաբերյալ Արցախի նախագահի այսօրվա պարզաբանումները՝ այստեղ։

 

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2022
Երկ Երե Չոր Հնգ Ուրբ Շաբ Կիր
« Մայիս   Հուլ »
 12345
6789101112
13141516171819
20212223242526
27282930