Երեկ՝ հուլիսի 6-ին, ժամը 00:50-ի սահմաններում դատապարտելի միջադեպ է տեղի ունեցել «Վանաձորի բժշկական կենտրոն»-ում:
Թերապեւտիկ բաժանմունք այցելած տղամարդը, շրջանցելով ընդունարանի բժիշկներին ու անվտանգության աշխատակիցներին, հասել է 2-րդ հարկում գտնվող թերապեւտիկ բաժանմունք, բռունցքով հարվածել եւ կոտրել է բաժանմունքի դռան ապակին:
📌Դեպքն արձանագրվել է տեսախցիկների կողմից: Կատարվածի վերաբերյալ արդեն իսկ ներկայացվել է հանցագործության մասին հաղորդում:
📌Մինչ այդ սակայն, հարկ է նշել, որ այստեղ կարեւորը ոչ թե հիվանդանոցին պատճառված գույքային վնասն է, որը միանշանակ փոխհատուցվելու է, այլ ողջ բուժանձնակազմի ու բաժանմունքում այդ ժամին բուժում ստացող հիվանդների հանդեպ ցուցաբերած անհարգալից վերաբերմունքը, որը, բացի իրավական գնահատական ստանալուց, պետք է արժանանա նաեւ հասարաության պարսավանքին:
Կարդացեք նաև
📌«Վանաձորի բժշկական կենտրոն»-ի տնօրինությունը դատապարտում է կատարվածն ու վստահեցնում, որ ցանկացած ոտձնգություն, նմանատիպ խուլիգանական ցանկացած դրսեւորում ստանալու է իր համարժեք պատասխանը:
«Վանաձորի բժշկական կենտրոն»-ի լրատվական ծառայություն
