«Հենակետ» վերլուծական կենտրոնի տնօրեն Վիտալի Մանգասարյանի ֆեյսբուքյան գրառումը
Վերջին օրերին հանրային քննարկման առարկա է դարձել բանակի վրա իրականացված ծախսերի թեման։
Իշխանության տարբեր ներկայացուցիչներ իրար հերթ չտալով գլուխ են գովում, թե իրենց կառավարման տարիներին այս կամ այն զինատեսակի վրա մեծ գումարներ է ծախսվել: Նախկինում արված ծախսերի հետ են զուգահեռներ տարվում և այլն։
Հակիրճ փորձեմ նկարագրել ներկայիս իշխանության գործողությունները և կայացված որոշումները իշխանության գալուց հետո։
Կարդացեք նաև
1․ 2018-ի դեկտեմբերին, որոշում կայացվեց ԶՈՒ-ում ծառայող բոլոր ժամկետային ծառայողներին թույլատրել հեռախոսներ։ Անցել է շուրջ 5 տարի, նոր-նոր հասկացել են, որ սխալ որոշում են կայացրել։ Իսկ թե ի՞նչ հետևանքներ է ունեցել այս որոշումը 44-օրյա պատերազմի ընթացքում՝ կարող եք տրամաբանել։
2․2019-ին գնվել է, «ՍՈՒ-30ՍՄ» ինքնաթիռներ և «ՕՍԱ-ԱԿ» ՀՕՊ համակարգեր, որոնք՝ ինչպես հետագայում պարզվեց, ոչ արդյունավետ ծախսեր էին, քանի որ ինքնաթիռները չունեին համապատասխան հրթիռներ, իսկ նշված ՀՕՊ միջոցները` պատերազմի առաջին իսկ օրերին, շարքից հանեց թշնամին։
3․2019-ի ընթացքում բանակին սնունդ սկսեցին մատակարարել մասնավոր ընկերությունները, որոնք՝ ինչպես փորձը ցույց տվեց անխափան կարողացան աշխատել միայն խաղաղ ժամանակահատածում, իսկ պատերազմի ժամանակ մատակարարումներ հետ կապված ի հայտ եկան լուրջ խնդիրներ։
Փաստացի՝ հնարավոր ռիսկերը հաշվի չեն առնվել:
4․2020 -ին գրեթե ավարտին հասցվեց դիրքերում խմելու ջուր քաշելու ծրագիրը, որի պիլոտային ծրագիրը իրականացվել էր դեռևս 2017 թվականին։ Ի դեպ, իմ գնահատմամբ ներկայիս իշխանությունների իրականացրած ամենակարևոր գործն էր, ինչի մասին նրանք գրեթե չեն խոսել, գերադասելով մնալ «մայկա-տռուսիկ» մակարդակի վրա։
5․2020-ի ամռանը որոշում կայացվեց ՄՈԲ ռեսուրսից զատ ունենալ նաև այսպես կոչված աշխարհազոր, որը ներկայացվում էր որպես աննախադեպ և շատ կարևոր որոշում։ Օրենքը ընդունվեց 44-օրյա պատերազմի ավարտից ընդամենը մեկ շաբաթ առաջ (էստեղ էլ հարցեր կան, թե ինչո՞ւ):
Արդեն իսկ պարզ է, որ հերթական անիմաստ «աննախադեպ» օրենքների շարքից էր։
Չեմ խոսում դեռ, որ պատերազմից առաջ` 2 տարվա ընթացքում, 3 անգամ փոխվել է ԳՇ պետ, ԱԱԾ տնօրեն և ՊԲ հրամանատար: Մի շարք զորամիավորումների և պաշտպանական շրջանների հրամանատարներ:
Այնպես որ գլուխ գովելու համար ո՛չ փաստարկներ կան, ո՛չ էլ տրամաբանություն:
Եվ վերջապես, եթե ամեն ինչ այդքան լավ է, ինչո՞ւ է ամեն ինչ այսքան վատ։
Հ.Գ. Իշխանության գործողությունները զուտ «Рафик ни в чем не виноват» շարքից է, սակայն Արցախը ադրբեջանական ճանաչողներին դա չի փրկի…
