Տաթև համայնքում բացվել է համայնքային կենտրոնը, որը ուսուցման նոր մշակույթ ու հնարավորություններ կընձեռնի համայնքի գյուղերի բնակիչներին։ Այն կուսակցության նախընտրական կարևոր ծրագրերից է։
Հալիձոր գյուղում բացված կենտրոնը ստեղծվել եւ գործելու է՝ հիմք ընդունելով Դիլիջանի համայնքային կենտրոնի (Dilijan Community Center) հաջող մոդելն ու փորձը։
Ինչպես Դիլիջանի, այնպես էլ այս կենտրոնի իրականացումը շնորհիվ «Ռուբեն Վարդանյան» հիմնադրամի է։ Յուրահատուկ այս միջավայրի ստեղծումը Տաթևում Ռուբեն Վարդանյանի հերթական և կարևոր ներդրումն է մեր երկրի համար կարևոր նշանակություն ունեցող անկյունում․ նպատակն էլ՝ որակյալ կրթության և ստեղծագործ միջավայրի ապահովման շնորհիվ Տաթևը հզոր ներուժով համայնք դարձնելն է։
Կարդացեք նաև
Համայնքային կենտրոնում առանձնահատուկ ուշադրություն կդարձվեն տարիքային տարբեր խմբերի համար նախատեսված կրթական ծրագրերին, որոնք ներառելու են դասընթացներ, մասնագիտական ուսուցումներ, ինչպես նաեւ առօրյա կյանքում անհրաժեշտ հմտությունների դասավանդում։ Կենտրոնը դառնալու է նաև համայնքի բնակիչների հանդիպումների, շփումների, գաղափարների քննարկման, տարատիպ ցուցահանդեսների, համերգների և այլ միջոցառումների կազմակերպման վայր։
Կենտրոնի բացմանը մասնակցել է նաև Ռուբեն Վարդանյանի ավագ որդին՝ Դավիթ Վարդանյանը։
«Ապրելու Երկիր» Կուսակցություն